Timor

Timor Inheemse naam: Pulau Timor
Topografiese kaart van Timor
Geografie
Ligging	Suidoos-Asië
Koördinate	09°14′S 124°56′O
Argipel	Klein-Soenda-eilande
Oppervlakte	30 777 vk km
Hoogste punt	Berg Tatamailau 2 960 m
Administrasie
Indonesië
Provinsie	Oos-Nusa Tenggara
Hoofstad	Koepang
Grootste stad	Koepang (349 344)
Oos-Timor
Hoofstad	Dili
Grootste stad	Dili (222 323)
Demografie
Bevolking	3 182 693

Timor (Indonesies: Pulau Timor) is die grootste en mees oostelike van die Klein-Soenda-eilande. Dié eiland word begrens deur die oop Indiese Oseaan in die suidweste, die Savusee in die weste, die Floressee in die noordweste, die Bandasee in die noordooste en die Timorsee in die suidooste. Dit is sedert 2002 tussen die Indonesiese provinsie Oos-Nusa Tenggara in die weste met die hoofstad Koepang en die onafhanklike republiek Oos-Timor met die hoofstad Dili opgedeel. In die noorde van die Indonesiese Wes-Timor is die eksklawe Oecusse van Oos-Timor geleë.

Nasa-Satellietbeeld van Timor

Politiese kaart van Timor

Timor is in die noordweste van Australië, in die suidweste van Nieu-Guinee, in die suide van die Molukke, in die suidooste van Sulawesi en in die ooste van Java geleë. Timor het 'n bevolking van 3 182 693 in 2014 gehad en beslaan 'n oppervlakte van 33 777 km².

Timor se naam is afgelei van die Maleise woord timur vir "ooste", aangesien dié eiland aan die oostelike einde van die Maleise argipel geleë is. In teenstelling met die voormalige Nederlandse kolonie Indonesië (sien Nederlands-Indië) was die oostelike deel van Timor tussen 1586 en 1975 'n Portugese kolonie. Ná die uitbreek van die rewolusie in Portugal sou Oos-Timor van Portugal onafhanklik word, maar is deur sy buurland Indonesië beset. Ná die Verenigde Nasies se intervensie en bemiddeling kon Oos-Timor op 20 Mei 2002 onafhanklik word.

Timor se geologie is gekenmerk deur baie aktiewe vulkane wat dié eiland van suidwes na noordoos gevorm het. Timor se vulkane behoort tot die Ring van Vuur wat die Stille Oseaan van Nieu-Seeland tot Chili omsirkel.

Eksterne skakls

• Wikimedia Commons het meer media in die kategorie Timor.
• (en) Toerisme-inligting oor Timor op Wikivoyage