Audio Engineering Society
Audio Engineering Society
Hoofkwartier
New York, New York
Verenigde State
Stigting
1948
Tipe
Nie-regeringsorganisasie (NRO)
Ingenieurs-vereniging
Voorsitter
Nadja Wallaszkovits
Agnieszka Roginska (President-Elect)
Ledetal
14 000+
Webtuiste
www.aes.org
Die Audio Engineering Society (AES) is 'n internasionale beroepsvereniging van lede uit die klankbedryf soos klankingenieurs, wetenskaplikes en ander professioneles wat by dié bedryf betrokke is of belang daarin stel. Die meeste lede is navorsings- en ontwikkelingsingenieurs uit die oudiobedryf of professioneles uit die musiekbedryf.
Die AES, wat in 1948 gestig is en sy hoofkwartier in New York het, het verenigings in 41 lande en geografiese streke dwarsoor die wêreld. Dit is die enigste internasionale vereniging wat hom uitsluitlik op klanktegnologie toespits. Die AES ontwikkel, bespreek, beoordeel en publiseer tegniese standaarde vir die klank- en verwante bedrywe, soos die digitale koppelvlak AES3 (ook bekend as AES/EBU).
Jaarliks word twee kongresse (AES Conventions) georganiseer wat om die beurt in gasheerstede in Europa (in die lente) en die Verenigde State (in die najaar) gehou word. Gasheerstede van die respektiewelik 148ste en 149ste kongres in 2020 sal Wene in Oostenryk (in Mei) en New York, NY (in Oktober) wees. Uitstallings maak deel uit van die kongresse. Konferensies oor spesifieke onderwerpe word onreëlmatig deur die AES of sy streeks- of nasionale verenigings gehou. Die AES publiseer daarnaas sedert 1953 'n wetenskaplike joernaal, die Journal of the Audio Engineering Society (JAES), met aanvanklik vier en sedert 1971 tien uitgawes per jaar.
Britse AES-vereniging
[wysig | wysig bron]Die grootste AES-vereniging buite die Verenigde State is die Audio Engineering Society UK in die Verenigde Koninkryk met sowat 900 lede.[1] Die Britse vereniging gee 'n maandelikse nuusbrief uit en hou gereeld lesings (gewoonlik in Londen). Soms word besoeke gebring aan klankateljees en ander plekke en instellings van belang. Lesings word meestal opgeneem en beskikbaar gestel as MP3-lêers wat afgelaai mag word en soms van begeleidende skyfies in PDF-formaat voorsien.[2]
Verwysings
[wysig | wysig bron]- ↑ "Audio Engineering Society UK. Besoek op 16 Mei 2017". Geargiveer vanaf die oorspronklike op 2 Mei 2017. Besoek op 16 Mei 2017.
- ↑ Audio Engineering Society UK: Meetings. Besoek op 25 Mei 2017