ءوز حابارىمىز. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12-ايدىڭ 2-كۇنى بەيجيڭدە 4-رەتكى «ءبىر بەلدەۋ، ءبىر جول» قۇرىلىسى قىزمەتى اڭگىمە ماجىلىسىنە قاتىناستى ءارى ماڭىزدى ءسوز سويلەپ بىلاي دەپ باسا دارىپتەدى: كەزەكتەگى قاتاڭ دا كۇردەلى حالىقارالىق جاعدايدا «ءبىر بەلدەۋ، ءبىر جولدى» ورتاق قۇرۋدى ىلگەرىلەتۋدە جوعارى ساپالى دامۋ ورايى مەن سىن-سايىستار قاتار ءومىر سۇرۋدە، الايدا جالپى تۇلعالىق جاقتان وراي سايىستان كوپ. ءبىز ستراتەگيالىق سەنىمدى بەكەمدەپ، ستراتەگيالىق تاباندىلىقتى ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، «ءبىر بەلدەۋ، ءبىر جولدى» ورتاق قۇرۋدىڭ اناعۇرلىم جارقىن بولاشاعىن جاراتۋىمىز كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي اڭگىمە ماجىلىسكە قاتىناستى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ اڭگىمە ءماجىلىستى باسقاردى.

اڭگىمە ماجىلىستە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، سىرتقى ىستەر مينيسترىنىڭ ورىنباسارى ما جاۋشۇي، بەيجيڭ قالالىق پارتكومنىڭ شۋجيى يىن لي، حۋبەي ولكەلىك پارتكومنىڭ شۋجيى ۋاڭ مىڭحۇي، جۇڭگو باۋ-ۋ بولات-تەمىر توبى شەكتى سەرىكتەستىگىنىڭ باس جوراسى حۋ ۋاڭميڭ، يشين-وۋ ساۋدا قىزمەت وتەۋ توبى شەكتى سەرىكتەستىگىنىڭ باس جوراسى فىڭ شۇيبين، جۇڭگو قوعامدىق عىلىمدار اكادەمياسى جۇڭگو شەكارا ءوڭىردى زەرتتەۋ ورنىنىڭ باستىعى شيڭ گۋاڭچىڭ ىلگەرىندى-كەيىندى ءسوز سويلەپ، ءىس جۇزىندىك جاعدايمەن بىرلەستىرىپ، قىزمەت جاعدايلارىن تانىستىرىپ، پىكىر جانە ۇسىنىستاردى ورتاعا قويدى.

كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: 2013-جىلى «ءبىر بەلدەۋ، ءبىر جولدى» ورتاق قۇرۋ دارىپتەمەسى العا قويعاننان بەرى، پارتيا ورتالىق كوميتەتىنىڭ پارمەندى باسشىلىعىندا، ءار جاقتىڭ بىرگە قۇلشىنۋىندا، «ءبىر بەلدەۋ، ءبىر جولدى» ورتاق قۇرۋ باستان-اياق بەيبىت سەلبەسۋ، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىن ۇستانىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە باستان-اياق تاباندى بولدى. سەلبەستىك سالاسى ۇزدىكسىز كەڭەيىپ، سەلبەستىك كولەمى ۇزدىكسىز ارتىپ، سەلبەستىك دەڭگەيى ۇزدىكسىز جوعارىلاپ، حالىقارالىق باۋراۋ قۋاتى، ىقپال كۇشى، ۇيىستىرۋ قۋاتى ۇزدىكسىز كۇشەيىپ، كەلەلى تابىستارعا قول جەتكىزىپ، ورتاق قۇرۋعا قاتىناسقان ەلدەردىڭ دوستىقتى كۇشەيتۋگە، ەكونوميكالىق، قوعامدىق دامۋىن جەبەۋگە جۇڭگو ۇلەسىن قوستى.

شي جينپيڭ مىنالاردى باسا دارىپتەدى: تاياۋ جىلداردان بەرى، دۇنيە ءجۇزى جاڭا اۋمالى-توكپەلى وزگەرىس كەزەڭىنە ءوتتى، سىڭار جاقتىلىق، قورعامپازدىق كورنەكتى جوعارىلاپ، ءىشىنارا قاقتىعىستار مەن تۇراقسىزدىق جاعدايلار ءجيى تۋىلدى. وسىنداي جاعدايدا، «ءبىر بەلدەۋ، ءبىر جولدى» ورتاق قۇرۋدىڭ جوعارى ساپالى دامۋىن ىلگەرىلەتۋدە، ءسوز جوق، ءتۇرلى حاۋىپ-قاتەرلەر مەن سىن-سايىستارعا ۇيلەسىمدى توتەپ بەرىپ، وڭىرلىك قاقتىعىستاردىڭ ىقپالىن ءونىمدى تۇردە جەڭىپ، ورتاق قۇرۋعا قاتىناسقان ەلدەردىڭ تابىس سەزىمىن كۇشەيتۋ مەن وزىمىزگە ءتيىمدى قاتىناسقا تاباندى بولۋدى دۇرىس ءبىر جاقتى ەتىپ، ەلىمىزدىڭ شەتەلدەگى مۇددە حاۋىپسىزدىگىن شىنايى قامتاماسىزداندىرۋىمىز كەرەك.

شي جينپيڭ بىلاي دەپ اتاپ كورسەتتى: «ءبىر بەلدەۋ، ءبىر جولدى» ورتاق قۇرۋ جوعارى ساپالى دامۋدىڭ جاڭا كەزەڭىنە ءوتتى. ورنىقتىلىق بارىسىندا ىلگەرىلەۋ قىزمەت جالپى ىرعاعىنا تاباندى بولىپ، جاڭا دامۋ تانىمىن تولىق، دۇرىس، جان-جاقتى دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ادامزاتتىڭ تاعدىرلاس ورتاق تۇلعاسى تۋىن بيىك ۇستاپ، بىرگە اقىلداسۋ، بىرگە قۇرۋ، بىرگە يگىلىكتەنۋ، اشىق، جاسىل، پاك، جوعارى ولشەممەن حالىق تۇرمىسىنا تيىمدىلىك جاساۋ، باياندى بولۋ جەتەكشى پرينسيبىنە تاباندى بولىپ، «ءبىر بەلدەۋ، ءبىر جولدى» جوعارى ساپامەن ورتاق قۇرۋدىڭ 8 ءتۇرلى ارەكەتىن جەتەكشى، ءوزارا ۇلاستىرۋدى، تۇتاستىرۋدى نەگىزگى جەلى ەتىپ، جوعارى ساپالى دامۋ مەن جوعارى دەڭگەيلى حاۋىپسىزدىكتى ۇشتاستىرۋعا، ۇكىمەتتىڭ جەتەكشىلىك ەتۋى مەن بازار اينالىمىن ۇشتاستىرۋعا، عىلمي ورنالاستىرۋ مەن يكەمدى ساپالىلاندىرۋدى ۇشتاستىرۋعا، ساننىڭ ارتۋى مەن ساپانىڭ جوعارىلاۋىن ۇشتاستىرۋعا تاباندى بولىپ، نەگىزدىك قۇرىلعىلاردى شىنايى ۇلاستىرۋدى، ەرەجە-ولشەمدەردى يكەمدى ۇلاستىرۋدى جانە ورتاق قۇرۋعا قاتىناسقان ەلدەر حالقىنىڭ تىلەكتەرىن توعىستىرۋدى ءبىر تۇتاس جوسپارلاپ تەرەڭدەتۋ كەرەك. كەلەلى نىساندىق ينجەنەريالار مەن «شاعىن دا كوركەم» حالىق تۇرمىسى نىساندارى قۇرىلىسىن ءبىر تۇتاس جوسپارلاپ ىلگەرىلەتىپ، ءداستۇرلى سالالارداعى سەلبەستىكتى بەكەمدەۋدى جانە جاڭادان گۇلدەنگەن سالالارداعى سەلبەستىكتى ورنىقتى كەڭەيتۋدى ءبىر تۇتاس جوسپارلاپ، «ءبىر بەلدەۋ، ءبىر جولدى» جوعارى ساپامەن ورتاق قۇرۋدى ىلگەرىلەتۋ مەحانيزمىن كەمەلدەندىرىپ، اناعۇرلىم جوعارى دەڭگەيدەگى، اناعۇرلىم يكەمدى، اناعۇرلىم باياندى تەڭ يگىلىككە كەنەلەتىن دامۋدىڭ جاڭا ءورىسىن ۇزدىكسىز كەڭەيتۋ كەرەك.

شي جينپيڭ بىلاي دەپ باسا دارىپتەدى: «ءبىر بەلدەۋ، ءبىر جولدى» جوعارى ساپامەن ورتاق قۇرۋ مەحانيزمى قۇرىلىسىن ءتۇيىندى تۇردە ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋ سەلبەستىك جوباسىن ءبىر تۇتاس جوسپارلاپ باسقارۋ مەحانيزمىن كەمەلدەندىرىپ، «شىنايى بايلانىس ورناتۋدى»، «يكەمدى بايلانىس ورناتۋدى»، «حالىق تىلەگىن توعىسترۋدى» سايكەستى ىلگەرىلەتۋ مەحانيزمىن كەمەلدەندىرىپ، كاسىپ سالاسى تىزبەگىنىڭ، قامداۋ تىزبەگىنىڭ ناقتى سەلبەستىك مەحانيزمىن كەمەلدەندىرىپ، جاڭادان گۇلدەنگەن سالالارداعى حالىقارالىق اۋىس-كۇيىس، سەلبەستىك مەحانيزمىن كەمەلدەندىرۋ كەرەك. قارجى قوسۋ، قارجى قۇراۋدىڭ كوپ نەگىزدى قامتاماسىزداندىرۋ مەحانيزمىن، حاۋىپ-قاتەردەن ساقتانۋ جانە ونى تىزگىندەۋدىڭ ىشكى-سىرتقى سايكەستى مەحانيزمىن، شەتەلدەگى مۇددەمىزدى قامتاماسىزداندىرۋ مەحانيزمىن، جوعارى دەڭگەيلى حالىقارالىق تاراتۋ مەحانيزمىن، پاك جىبەك جولى سەلبەستىك مەحانيزمىن كەمەلدەندىرىپ، «ءبىر بەلدەۋ، ءبىر جولدى» جوعارى ساپامەن ورتاق قۇرۋدىڭ ورنىقتى، باياندى بولۋىن ىلگەرىلەتۋ كەرەك.

شي جينپيڭ بىلاي دەپ اتاپ كورسەتتى: جوبانى سوڭىنا دەيىن جاساۋعا تاباندى بولىپ، بىرىنەن سوڭ ءبىرىن ىستەپ، ءتۇرلى حاۋىپ-قاتەرلەر مەن سىن-سايىستاردى باتىلدىقپەن جەڭىپ، «ءبىر بەلدەۋ، ءبىر جولدى» جوعارى ساپامەن ورتاق قۇرۋدى بۇلجىماستان ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋ كەرەك.

ديڭ شۋەشياڭ ءماجىلىستى باسقارعاندا مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى «ءبىر بەلدەۋ، ءبىر جولدى» ورتاق قۇرۋدا قول جەتكەن كەلەلى تابىستاردى تولىق تۇراقتاندىرىپ، كەزەكتەگى جانە بۇدان كەيىنگى ءبىر مەزگىلدەگى «ءبىر بەلدەۋ، ءبىر جولدى» ورتاق قۇرۋدىڭ جوعارى ساپالى دامۋىن ىلگەرىلەتۋ جونىندە جالپى بەتتىك ورنالاستىرۋ جاسادى. باس شۋجيدىڭ ماڭىزدى ءسوزىنىڭ ويى اسقاق، يدەياسى تەرەڭ، بايىمداۋى ەگجەي-تەگجەيلى، مازمۇنى باي بولىپ، كەلەسى التىن 10 جىلدا «ءبىر بەلدەۋ، ءبىر جولدى» ورتاق قۇرۋدىڭ جوعارى ساپالى دامۋىن ىلگەرىلەتۋگە ماڭىزدى بويسۇنۋ ولشەمىن ازىرلەپ، العا باسۋ بەتالىسىن كورسەتتى، ءبىز مۇقيات ۇيرەنىپ، ءتۇسىنىپ، باتىل دايەكتى تياناقتاندىرۋىمىز كەرەك. جەر-جەر، تاراۋلار، ورىندار ستراتەگيالىق ويلاۋدى، حاۋىپسىزدىك تانىمىن، جۇيەلى كوزقاراستى، حالىقارالىق كوز ايانى ۇزدىكسىز كۇشەيتىپ، جۇيەلىلەندىرۋ مەحانيزمىن ىلگەرىلەتۋدى ءتۇيىن ەتىپ، جوعارى دەڭگەيلى جوبانى ۇزدىكسىز كەمەلدەندىرىپ، ناقتى شارالاردى بەلگىلەپ، سىرتپەن سەلبەستىكتى تەرەڭدەتىپ، ايتۋلى دا ىقپالدى ءبىر توپ سەلبەستىك ماركاسىن كۇش سالا جەتىلدىرىپ، اناعۇرلىم كوپ ۇلگىلىك، جەتەكشىلىك سيپاتتى كەلەلى جەتىستىكتەردى قالىپتاستىرىپ، اناعۇرلىم جوعارى دەڭگەيدەگى، اناعۇرلىم يكەمدى، اناعۇرلىم باياندى «ءبىر بەلدەۋ، ءبىر جولدى» ورتاق قۇرىپ، تەڭ يگىلىككە كەنەلەتىن دامۋدىڭ جاڭا ءورىسىن بىرگە اشۋ كەرەك.

ۋاڭ ي، حى ليفىڭ، ۋ جىڭلۇڭ اڭگىمە ماجىلىسكە قاتىناستى.

«ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسىنا مۇشە ورىنداردىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، ءارقايسى ولكە، اۆتونوميالى رايون، توتە قاراستى قالالاردىڭ جانە شينجياڭ ءوندىرىس-قۇرىلىس بيڭتۋانىنىڭ «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسىنداعى نەگىزگى جاۋاپتى جولداستار، قاتىستى كاسىپورىنداردىڭ جاۋاپتىلارى، مامان-وقىمىستىلاردىڭ ۋاكىلدەرى اڭگىمە ماجىلىسكە قاتىناستى.