ءوز حابارىمىز. ليۆان جاقتىڭ حابارىنا قاراعاندا، ليۆاننىڭ شىعىسىنا ورنالاسقان بەكا اڭعارىنداعى اراك قالاشىعى 10-ايدىڭ 28-كۇنى يزرايل ارمياسىنىڭ اۋە شابۋىلىنا ۇشىراپ، 16 ادام قازا بولعان. يزرايل جاق بۇل جونىندە جاۋاپ قايتارمادى.

 

يزرايلدىڭ زۇڭليى نيتانياحۋ 10-ايدىڭ 28-كۇنى پارلامەنتتە ءسوز سويلەپ بىلاي دەدى: 10-ايدىڭ 26-ۇنگى اۋا شابۋىلىندا، يزرايل يراننىڭ ماڭىزدى قۇرىلعىلارىن اۋىر زيانعا ۇشىراتتى، يراننىڭ قورعانىس جۇيەسى جانە باسقارىلمالى بومبى قارۋلارىن ەكسپورت ەتۋ قابىلەتى اۋىر دارەجەدە بۇلىندى. 

 

يراننىڭ ەڭ جوعارى مەملەكەت حاۋىپسىزدىگى كوميتەتىنىڭ حاتشىسى احىمەديان 10-ايدىڭ 28-كۇنى بىلاي دەدى: جۋىردا يزرايلدىڭ يرانعا قاراتقان شابۋىلى يراننىڭ اسكەري كۇشتەرىنە ەشقانداي ىقپال ەتپەدى. يران سىرتقى ىستەر مينيسترلىگىنىڭ مالىمدەمەشىسى باگاي سول كۇنى: يران يزرايلدىڭ يران تەريتورياسىنا جاساعان "شاپقىنشىلىعىنا" اڭىس قايتارۋ ۇقىعىنان بەزبەيدى دەگەندى ايتتى.

 

 كاتاردىڭ استاناسى دوحادا وتكىزىلگەن گازا رايونىندا سوعىس توقتاتۋ كەلىسسوزى 10-ايدىڭ 28-كۇنى ۋاقىتشا توقتاتىلدى.ءار قايسى جاق كازادا سوعىس توقتاتۋ جانە بارىمتالاردى الماستىرۋ جوبا كەلىسىمىن جاساۋ جاعىندا ىلگەرلەۋشىلىككە قول جەتكىزدى، وسى اپتا ىشىندە جوبا كەلىسىمى جونىندە جالعاستى كەڭەسۋدى جوسپارلادى، كەيىنرەك پالەستين يسىلام قارسىلىق قوزعالىسى (حاماسپەن) تىكەلەي كەلىسسوز وتكىزۋ مۇمكىن.

 

حاماستىڭ جوعارى دارەجەلى ءبىر ءمانساپتىسى 10-دىڭ 28-كۇنى: حاماس جاق گازا وڭىرىندە قاقتىعىستى اياقتاتۋ، پالەستين حالقىنىڭ زاڭدى تالابىن قورعايتىن ءارقانداي كەلىسىم جوباسىن جاساۋعا اشىق پوزيتسيا ۇستانۋدا،-دەدى.

 

پالەستين سىرتقى ىستەر مينيسترلىگىنىڭ مانساپتىسى 10-ايدىڭ 28-كۇنى مالىمدەمە جاريالاپ بىلاي دەدى: پالەستين يزرايل پارلامەنتتى ماقۇلداعان ب م ۇ نىڭ تاياۋ شىعىس قۇتقارۋ ينجەنەريا باسقارماسىنىڭ يزرايل شەگارا ىشىندە جانە يزرايل جاق مەڭگەرۋگە العان وڭىرلەردە قيمىلداۋعا تيىم سالۋ جوباسىن قابىلداۋدان باس تارتادى، بۇل يزرايلدىڭ حالىقارالىق جۇيەگە قايشى كەلگەن تاعى ءبىر ءتۇرلى قىلمىسى دەپ قارايدى.

 

وسىدان ىلگەرى، يزرايل پارلامەنتى ەكى ءتۇرلى زاڭ جوبا ماقۇلداپ، ب م ۇ-نىڭ تاياۋ شىعىستاعى قۇتقارۋ ينجەنەريا باسقارماسىنىڭ يزرايلدىڭ مەڭگەرۋىندەگى رايونداردا ارەكەت جۇرگىزۋىنە تيىم سالعان بولاتىن.

 

اۋدارعان: نازار ءارىپ ۇلى