ვიტელიუსი

	ავლუს ვიტელიუსი; ლათ. Aulus Vitellius
	; ვიტელიუსიშ მარმარილოშ ბიუსტი ბარდოშ ერუანულ მუზეუმს
რომიშ იმპერატორი
პოსტის გერინაშ ბორჯი
	19 პირელი, 69 წანა – 20 ქირსეთუთა, 69 წანა
წიმოხონი	ოტონი
მონძე	ვესპასიანე
ნაღურა	20 ქირსეთუთა, 69 (54 წანერი); რომი, იტალია, რომიშ იმპერია
მუმა	ლუციუს ვიტელიუსი
ნანა	სექსტილია
ალმასქუ	მაართა: პეტრონია; მაჟირა: გალერია ფუნდანა
სქუალეფი	ვიტელიუს პეტრონიანუსი; ვიტელიუს გერმანიკუსი; ვიტელია
რელიგია	ჯვეშრომაული რელიგია

ავლუს ვიტელიუსი (ლათ. Aulus Vitellius; დ. 24 ეკენია, 15 — ღ. 20 ქირსეთუთა, 69) — რომიშ იმპერატორი ბრუო თუთაშ გოძვენას, 69 წანაშ 19 პირელიშე 20 ქირსეთუთაშახ.

ვიტელიუსის უკინებუდჷ შხვადოშხვა პოსტეფი. 48 წანას გიშაგორილქ იჸუ კონსულო, 60/61 წანას ვიტელიუსი რდჷ აფრიკაშ პროკონსული. 68 წანას, ვიტელიუსი ხემანჯღვერენდჷ რომიშ ლეგიონეფს თუდოლენი გერმანიაშ პროვინციას. მალას რომიშ არმიეფქ თოდოლენი დო ჟიმოლენი გერმანიას ეარყეს რომიშ იმპერატორიშ გალბაშ მეხჷ დო იმპერატორო გეგმაცხადეს ვიტელიუსი. ომენოღალე ლჷმაშ ბორჯის, ნამუსჷთ ოთხი იმპერატორიშ წანას უძახჷნა, გალბა დოჸვილო ოტონქ დო თიქ გინირთჷ იმპერატორო. ბედრიაკუმიშ მაართა ლჷმას ვიტელიუსიქ ორჯგინჷ ოტონიშ ნძალეფს, ოტონქ დუდი დიჸვილუ დო რომიშ სენატიქ ახალი იმპერატორო გჷმაცხადჷ ვიტელიუსი.

ვიტელიუსი რომს მართუნდჷ ხვალე ბრუო თუთას. რომიშ იმპერიაშ ბჟაეიოლი პროვინციეფს, რომიშ ლეგიონეფქ იმპერატორო გეგმაცხადეს მუნეფიშ მანჯღვერთარი ვესპასიანე. ვესპასიანექ ნძალეფი გაერთიანჷ სირიაშ მამართალი გაიუს ლიცინიუს მუციანუსი დო პანონიაშ გენერალი მარკუს ანტონიუს პრიმუსიწკჷმა. ვესპასიანექ ქიდეკინჷ ეგვიპტე, მუციანუსიქ დო პრიმუსიქ 69 წანაშ 24 გჷმათუთას ბედრიაკუმიშ მაჟირა ლჷმას, ორჯგინეს ვიტელიუსიშ ლეგიონეფს. ვიტელიუსის გინორინა ულამუდჷ, მარა ალმარენჯეფქ თეში ნება ვემეჩეს. უკულ თეს მაჸუნჷ უბადუ ლჷმეფქ რომიშო, ვესპასიანეშ დო ვიტელიუსიშ ნძალეფს შქას.

რომიშ ურბანული ლჷმაშ ბორჯის დოღურჷ დოხოლაფირო 50,000 ადამიერქ. რომიშ დგჷმილეფიშ უმეტაშობა მოჯალაგეს, თაშნეშე იუპიტერიშ ოხვამე. ვიტელიუსი გეგთასერგელეს ოტყობინჯე არდგილიშე, მიდეჸონეს გემონიაშ ტერასაშა დო დოჸვილეს. ვიტელიუსიშ ეკონია ზიტყვეფი ჸოფე: "მარა, მა თქვანი იმპერატორი ვორდი". სვეტონიუსიშ ნტკიცებათ, ვიტელიუსიშ რსხული გეგნაჸათეს წყარმალუ ტიბრიშა. დიონ კასიუსიშ ვერსიათ, ვიტელიუსის დუდი მეკვათეს დო თიში დუდი რომიშა ოდღახუებელო გეგშეღეს.

ლიტერატურა

ვიტელიუსი დებადჷ: 15 ღურჷ: 69
წიმოხონი: ოტონი	რომიშ იმპერატორი 69	გეჸვენჯი: ვესპასიანე

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.