NRK Møre og Romsdal – Lokale nyheter, TV og radio

Føraren av ein mopedbil har i natt køyrt av vegen i Hustadvika. Politiet var på staden og det blei ikkje meldt om personskade.

Politiet har oppretta ei sak på hendinga og skal undersøke om vedkomande har brote vegtrafikklova § 3 som gjeld å køyre aktsamt.

Ein mann i 40-åra blir meldt for bæring av kniv på ein offentleg stad i Giske i natt. Det melder politiet.

Fem bilførarar fekk bøter då utrykkingspolitiet hadde ein fartskontroll på E39 Kvivsvegen i Volda. Ein mann i 20-åra frå Sunnmøre er meldt og fekk førarkortet beslaglagt etter å ha køyrt i 134 kilometer i timen i 80-sona.

Ein bil har tatt fyr i Leitemarka i Ørsta. Brannen vart raskt sløkt med pulverapparat, og det var ingen spreiingsfare. Brannårsaka er forløpig ukjent, ifølge politiet.