Rubroek

Rubroek Rubrouck
Rubroek in 't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Wormout
Coördinoatn	50°50′NB 2°21′OL
Ippervlak	14,88 km²
Inweuners
Inweuners Bevolkiengsdichtheid	944 (2016) 63 inw./km²
Andere
Burgemêester	Luc Everaere
Postcode	59285
Webadres	Site van Rubroek

Rubroek (Frans: Rubrouck) es e gemêente in Vrankryk in't Noorderdepartement. 't Ligt in Frans-Vloandern in de Franschn Westoek. 't Grenst an de gemêentn Bollezele, Arnyke, Ochtezele, Nôordpene, Buusscheure, Broksele en Volkerinkove.

Rubroek ligt in't èrte van't Frans-Vlamsche Houtland. Der zyn nog vêel uuzn in de traditionele lokoale styl bewoard en der wierd'n nog oude Vlamsche noam'n gebruukt vo stroatn en plings. In 't dorptje wierd er Vlams geklapt tout in de twintigste êeuwe.

Rubroek es surtout gekend van de Vlamsche franciscoan en ontdekkiengsreiziger Willem van Rubroek, die tout in Mongolië es gerakt. 't Is doamee dat de gemêente verzusterd es mè de Mongoolsche stad Bulgan.

Geschiedenisse

Rubroek es vo 't êest vermeld in 1104 en vanof de twoalfste êeuwe woarn der verschilligte hêerlykeedn. D'istorische kern van 't dorp wos e kastêel, woavan dat de mote (kunstmoatign euvel) bewoard es.

't Dorp beleefde zyn grotste bloeiperiode in de zestiende êeuwe en ha ton e rederykerskoamer: Het Sacrament mè de leuze "Alleven groene".

In 1845 a Rubroek nog 1580 inweuners, in 1975 nog moa 680. De latste decennia ester wel were e lichte toenoame.

Beziensweirdigheedn

• De middelêeuwsche mote, nu mè boerhof (10ste-12ste êeuwe, an de boane noar Broksele)
• De Sint-Sylvesterkerke (16ste en 18ste êeuwe), e beschermde allekerke die gedêeltelyk gebouwd zo zyn mè stêens van d'ofgebrookn kathedroale van Terwoan
• De pastorie gebouwd ip e klêene mote
• 't Museum over Willem van Rubroek (Maison de Guillaume de Rubrouck), mè 'n expoziesje over den explorateur en over Mongolië

• 
  De Sint-Sylvesterkerke
• 
  De pastorie
• 
  't Museum over Willem van Rubroek

Externe koppelienge

• Yserhouck over Rubrouck (in't Frans)