حکیم محمد اختر

حکیم محمد اختر
معلومات شخصیت
پیدائش	سنہ 1928ء   پرتاپ گڑھ، اتر پردیش
وفات	2 جون 2013ء (84–85 سال)  کراچی
شہریت	برطانوی ہند پاکستان
عملی زندگی
پیشہ	عالم ،  انسان دوست ،  شاعر
پیشہ ورانہ زبان	اردو

حکیم محمد اختر (1928ء – 2 جون 2013ء) ایک پاکستانی عالم، مصنف، شاعر اور صوفی مرشد تھے۔ وہ جامعہ اشرف المدارس کے بانی تھے۔

1928ء میں پیدا ہوئے، حکیم اختر اسٹیٹ یونانی میڈیکل کالج الہ آباد اور مدرسہ بیت العلوم سرائے میر کے فاضل تھے۔ وہ ابرار الحق حقی کے خلیفہ مجاز تھے۔ ان کی تصانیف میں معارف مثنوی اور فیضان محبت شامل ہیں۔

سوانح

حکیم محمد اختر 1928ء میں پرتاپ گڑھ میں پیدا ہوئے۔ ان کی ابتدائی تعلیم پرتاپ گڑھ میں ہوئی اور انھوں نے سلطان پور میں قاری محمد صادق سے فارسی پڑھی۔ انھوں نے اسٹیٹ یونانی میڈیکل کالج الہ آباد سے طب یونانی کی تعلیم حاصل کی اور 1944 میں فارغ التحصیل ہوئے۔ شاہ حکیم محمد اختر نے مدرسہ بیت العلوم سرائے میر میں درس نظامی کی تکمیل کی۔ انھوں نے ماجد علی جونپوری کے شاگرد عبد الغنی پھولپوری سے صحاح ستہ پڑھیں۔ شاہ حکیم محمد اختر ابتدائی عمر سے ہی تصوف سے متاثر تھے۔ انھوں نے مولانا شاہ عبد الغنی پھولپوری عبد الغنی پھولپوری، مولانا شاہ ابرار الحق صاحب حقی اور مولانا شاہ محمد احمد پرتاپ گڑھی سے استفادہ کیا۔ حکیم محمد اختر تصوف کے اشرفیہ، چشتیہ، نقشبندیہ، قادریہ، سہروردیہ میں ابرار الحق کے خلیفہ مجاز ہیں۔

مولانا کا شجرہ طریقت اس طرح ہے

• مولانا حکیم محمد اختر
• مولانا شاہ ابرار الحق ہردوئی
• مولانا اشرف علی تھانوی
• امام حافظ حاجی امداد اللہ مہاجر مکی

حکیم محمد اختر کی وفات 2 جون 2013ء کو کراچی میں ہوئی۔

تصانیف

مولانا شاہ حکیم محمد اختر کی معروف تصانیف:

• معارف مثنوی، مولانا شاہ حکیم محمد اختر کی شاہکار تصنیف ہے، جو مثنوی مولانا روم کی اردو شرح ہے۔
• تجلیات جذب
• معرفت الہیہ
• روح کی بیماریاں اور ان کا علاج
• فیضان محبت
• "پردیس میں تذکرۂ وطن"
• "الہامات ربانی"
• "انعامات ربانی"
• "رسول اللّٰہ صلّی اللّٰہ علیہ وسلم کی نظر میں دنیا کی حقیقت"
• "پیارے نبی صلّی اللّٰہ علیہ وسلم کی پیاری سنتیں"
• "مجالس ابرار"
• "ارشادات درد دل"
• "تربیت عاشقان خدا جلد اول"
• "تربیت عاشقان خدا جلد دوم"
• "تربیت عاشقان خدا جلد سوم"
• "انعامات صبر و تسلیم و رضا"
• "صحبت اہل اللّٰہ کی اہمیت اور اس کے فوائد"
• "صحبت اہل اللّٰہ اور سعادت نفس کا حصول"
• "تمنائے بستئ صالحین"
• "استغفار کے ثمرات"
• "فضائل توبہ"
• "علاج الغضب"
• "علاج کبر"
• "تعلق مع الله"
• "حقوق الرجال"
• "حقوق النساء"
• "روح سلوک"
• " قافلۂ جنت کی علامت"

کتابیات

• خالق داد (جنوری-جون2019)۔ "مولانا شاہ حکیم محمداختر: حیات و خدمات"۔ راحتہ القلوب۔ 3 (1): 28–41۔ 16 مئی 2021 میں اصل سے آرکائیو شدہ۔ اخذ شدہ بتاریخ 17 مئی 2021 
• سید عشرت جمیل میر۔ رشک اولیا، حیات اختر (ستمبر 2017 ایڈیشن)۔ گلستان جوہر: ادارہ تالیفات اختریہ