Сабитов, Гай Сабитович
| Гай Сабитович Сабитов | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Новый Каенсар[d], Q48530291?, Мамадышский уезд[d], Кузон губерния[d], Российской империя[d] |
| Кулон нуналыз: |
24-тӥ толсуре 1993 (78 ар) |
| Кулон интыез: | |
Гай Сабитович Сабитов — кырӟанъёсты гожъясь удмурт кылбурчи.
Вордӥськиз Татарстан Элькунысь Кукмор ёросысь Выль Канисар гуртын 15-тӥ куарусёнэ 1915-тӥ арын. Улонысь кошкиз 24-тӥ толсуре 1993-тӥ арын
Нырысетӥ кылбурез «Шудо улон» печатламын вал 1938-тӥ арын «Молот» журналын.
1943-тӥ арын йылпумъя Удмурт кун педагогической институтэз. Удмурт радиоын диктор луыса ужа. 1950-тӥ арын М. Горький нимо Литературной институтэ дышетскыны пыре. Сое йылпумъямез бере литературно-драматической передачаослэн редаторез луыса Удмурт радиоын ужа.
Нырысетӥ кылбур бичетэз «Кылбуръёс но кырӟанъёс» потэ 1953-тӥ арын. Удмурт кылбурчиос пӧлын Гай Сабитов нырысьсэ гожтэ сонет тугоко амалэн произведениез — «Шунды но ӝужа но…», кудзэ сӥзиз эшезлы М. Покчи-Петровлы.
Тужгес но тодмо кылбур бичетъёсыз:
- «Арган кырӟа» (1971)
- «Яратӥсько» (1975, та лыдзетэз понна сётэмын УАССР-ысь кун премия)
- «Улон – кырӟан» (1985).
Кылбуръёсыз вылэ (ог 100 пала) кырӟанъёс гожтэмын. Тужгес тодмоосыз луо:
Пиналъёслы поэмаос гожтӥз:
- «Куноын» (1967)
- «Даур гырлы» (1981)
Бигер кылысь удмурт кылэ берыктӥз Г. Тукайлэсь но М. Джалильлэсь кылбур бичетъёссэс. А. С. Пушкинлэсь «Бахчисарайский фонтан» поэмаез удмурт кылэ берыктӥз.
1964-тӥ арысен СССР-ысь гожъясьчиослэн огазеяськонзылэн ёзчиез луэ.