Ireto no voambolana sy dikateny iraisana ampiasaintsika.

Ny fenitra arahina amin’ny tsipelin-teny dia araka izay voarakitra ao amin’ny :
1. http://tenymalagasy.org/ ( SLP MINESEB, 1986 ; Rakibolana malagasy, Rajemisa, 1985)
2. Ireo rakibolana isan-karazany azo trandrahina:

1. Vitasoa, 2018 (Rabenilaina Roger Bruno, Morin Jean-Yves)
2. Rakibolana Rakipahalalana, 2005 (Akademia Malagasy)
3. Rantimbolana Haifikajiana, 2026 (INDRIANJAFY Georges Martial)
4. Angona voambolana nataon’ny Blaogin’i Voniary
5. http://atlisy.org/ (Mose Njo)
6. Rakibolana fandikan-teny teknika ekonomika sy ara-bola: https://www.mef.gov.mg/dgcf/info utiles/rakibolana-dikan-teny-vf-vm.pdf

3. Ny voambolana andavanandro ahafantarana azy
4. Ny anaran-tsamirery, ny fanafohezan-teny iraisam-pirenena sy ny voambolana tsy misy amin’ny teny malagasy dia ampiasaina araka izay tsipelina amin’ny teny ihaviany. Ohatra : URL, Plugins.
5. Farany, rehefa tena tsy ahitana teny mahadika azy ireo dingana mialoha ireo dia irosoana ny fanapariahana voambolana ka ny fironana arahintsika dia ny fisafidianana voambolana manana dika ara-kevitra (équivalence sémantique) fa tsy dikateny ara-bakiteny (traduction littérale).
6. Farany rehefa tena tsy misy mahalaza azy ny vokatr’ireo dingana rehetra ireo dia tazomina araka ny voambolana nihaviany na ny mahazatra ny teny mandra-pahita asolo azy.

(1, raha tsy misy ny 1 dia mijery ny 2, raha tsy misy ny 2 dia mampiasa ny 3)

PS: raha misy soso-kevitra dia azo atao tsara ny mametraka izany dia iarahana mandinika izany. Mazotoa daholo.

Taorian’ny hetsika Ainteny (Jona 2026) dia tsapa fa azo trandrahina ho amin’ny sehatra maro ankoatra ny Wordpress ity rakibolana iraisana ity, ka mety hisy ireo voambolana tsy voatery ho fampiasa mivantana amin’ny tontolon’ny WP ho voarakitra ato koa ho fanamorana ny fanapariahana azy.