Month: August 2020

దశాబ్దాల పెనుగులాటకు,
చక్కనైన ఫలితమిది. ..
రామరాజ్యమన్న మాటకు,
నవ శకానికి నిజమైన నాంది ఇది…
అవధపురికి నేడు వచ్చె అసలైన దీపావళి. …

వాకిళ్ళను అలికినాము,
రంగు ముగ్గులేసినాము ,
పూల తోరణాలు గట్టినాము,
తీర్ధ జలములు తెచ్చినాము,
దీప మాలికలను బెట్టినాము,
రామయ్యను కొలిచేందుకు కరసేవకులమైనాము….
అవధపురికి నేడు వచ్చె అసలైన దీపావళి. ..

పంచ భూతలను వెండి ఇటుకలుగ జేసి,
యేటి లోని రొజులన్ని స్తంభాలుగ మలచి,
షోడశ ఉపచారములను మూర్తులుగ చెక్కి,
అష్టదిగ్పాలకులను మందిర భుజములుగ జేసి,
మనోవాక్కాయ కర్మలను అంతస్తులుగా పేర్చి,
రామయ్యను కొలిచేందుకు కరసేవకులమైనాము….
అవధపురికి నేడు వచ్చె అసలైన దీపావళి. ..

©️ Sri Sudha K