Чоловік

Чоловік (Homo) є род з челядї гомініды (Hominidae), ку котрому належыть чоловік розумный (Homo sapiens) і ёго близкы вымерты прибузны. Одгадує ся, же род є коло 2,3 міліонів років старый. Выник роду Гомо ся датує до той самой добы, коли ся обявують першы камяну інштрументы т. є. в добі, коли зачінать найстаршый палеоліт.

Вшыткы виды, з вынятком чоловіка мудрого, вымерли. Homo neanderthalensis вымер дас перед 30 000 роками, Homo floresiensis але аж перед 12 000 роками.

Сістематіка роду

Сістематіка ся у звязаности з новыма палеонтолоґічныма найджінями мінять. Дакотры виды (напр. Homo neanderthalensis) ся даколи означують лем як підвиды іншых видів.

• †Homo habilis (чоловік зручный)
• †Homo rudolfensis (чоловік выходоафрицькый)
• †Homo ergaster (чоловік працуючій)
• †Homo erectus (чоловік прямоходячій)
• †Homo floresiensis (чоловік флореськый) - спорный
• †Homo antecessor
• †Homo heidelbergensis, даколи Homo erectus heidelbergensis
• †Homo neanderthalensis (чоловік неандертальскый), даколи Homo sapiens neanderthalensis
• †Homo rhodesiensis
• †Homo cepranensis
• †Homo georgicus
• Homo sapiens (чоловік розумный)

Характерістіка

Вшыткы виды роду Homo хосновали інштрументы, язык і цалком выспілу културу. З анатомічных знаків є засадный передовшыткым звекшінём обєму мозґу (з вынятком Homo habilis веце як 1000 мл), чало од оч ступать горї, лебка ся закулятює, доходить ку істій редукції зубів, скорочованю рук і наспак продовжованём нїг. Чоловік є вшыткопожераючій.

Екстерны одказы

• Homo genus - rod Homo