Portal:Brasil

La Republica Federativa de Brasil es lo país mai poblat d'America Latina e lo cinquen del mond per la superfícia. Sa superfícia es de 8 514 876 km², environ 15 còps mai que França. Es situat dins la part centreorientala de l'America del Sud. Confronta al nòrd Veneçuèla, Guiana, Surinam e lo departament d'otramar francés de Guaiana. Es bordat al nòrd-èst, a l'èst e al sud-èst per l'Ocean Atlantic, sus mai de 7360 km. Confronta al sud Uruguai, al sud-oèst Argentina e Paraguai, a l'oèst Bolívia e Peró, e al nòrd-oèst Colómbia. Los sols païses d'America del Sud que Brasil a pas de frontièra amb eles son Chile e l'Eqüator. En defòra del continent, Brasil possedís qualques pichòtas illas de l'ocean Atlantic: las Ròcas de Sant Pèire e Sant Pau, Fernando de Noronha, Trindade e Martim Vaz e las illas coralianas pichòtas sonadas Atol das Rocas.

O sabiatz que...
...La Constitucion brasilièra de 1988 es la 7^ena del país dempuèi l'independéncia ...São Paulo, la pus granda ciutat de l'America del Sud, amb 11 016 703 abitants en 2006, foguèt una vila pichona abans l'expansion de la produccion de cafè en Brasil a la fin del sègle XIX ...mai de 61% dels utilizaires de l'Orkut son brasilièrs ...Brasil a lo pus grand bacin idrografic del mond ...Brasil es lo sol país qu'a participat a totas las Copas del Mond de Fotbòl, e lo país qu'a ganhat lo mai de campionats dins aquela competicion ...13,7% de l'aiga doça mondiala se tròba en Brasil, qu'es lo país pus ric del mond en çò que pertòca aquesta ressorsa naturala ...que al sègle XVIII Ouro Preto, dins l'estat de Minas Gerais èra la mai granda ciutat de tot lo continent american merce al comèrci de diamant e d'aur?

IMATGE DESTACADA

Brasília es la capitala de Brasil. Es famosa for sos plans d'urbanisme e son arquitectura moderna. Es situada dins lo Districte Federal, creat dins l'estat de Goiás dins l'oèst del país.

Veire l'article

BIOGRAFIA DESTACADA

Joaquim Maria Machado de Assis (nascut en 1839, mòrt en 1908) foguèt un important escrivan, poèta e dramaturg brasilièr durant lo sègle XIX, e un dels principals escrivans de lenga portuguesa del mond. Foguèt un dels membres fondators de la Academia Brasileira de Letras (Academia Brasiliana de Literatura).

Los escrivans José Saramago, Carlos Fuentes, Susan Sontag e Harold Bloom son grands admiradors de sos trabalhs.

Veire l'article