Vilhelm II av Tyskland
| Vilhelm II | |||
 | |||
| Konge av Preussen og keisar av Det tyske riket | |||
| Regjeringstid | 15. juni 1888-9. november 1918 | ||
|---|---|---|---|
| Tysk | Wilhelm II | ||
| Fødd | 27. januar 1859 | ||
| Fødestad | Kronprinzenpalais, Potsdam | ||
| Død | 4. juni 1941 | ||
| Dødsstad | Huis Doorn | ||
| Gravstad | Huis Doorn | ||
| Gift med | Auguste Viktoria av Slesvig-Holsten-Sønderborg-Augustenborg, Hermine Reuß ältere Linie | ||
| Dynasti | Hohenzollern | ||
| Far | Friedrich III. | ||
| Mor | Victoria av Tyskland | ||
| Born | Wilhelm von Preußen, Eitel Fredrik av Preussen, Adalbert von Preußen, August Wilhelm von Preußen, Oskar av Preußen, Joachim von Preußen, Viktoria Luise von Preußen | ||
Vilhelm II av Tyskland (27. januar 1859–4. juni 1941), døypt Friedrich Wilhelm Albert Victor, med tittelen prins av Hohenzollern, var keisar av Tyskland i tida 1888-1918. Vilhelm II var den siste tyske keisaren og kongen av Preussen. Han vart fødd i Potsdam og døydde i Doorn i Nederland.
Vilhelm II var son til keisar Fredrik III av Tyskland og keisarinne Viktoria. Keisarinna var dotter til dronning Victoria av Storbritannia. Vilhelm II var soleis soneson både av keisar Vilhelm I av Tyskland og dronning Victoria av Storbritannia.
Vilhelm II var tysk keisar og konge av Preussen frå 1888 til 1918. I 1890 lét han Otto von Bismarck gå av som tysk rikskanslar.
Etter nederlaget i fyrste verdskrigen gjekk han av som keisar og flykta til Nederland, der han døydde i 1941.
Vilhelm II og Noreg
[endre | endre wikiteksten]Vilhelm II og leiande tyske krinsar reiste om somrane ofte langs kysten av Noreg. Mellom anna var keisaren innom i Balestrand og i Odda. Reisene gjekk ofte føre seg på krigsskip, og keisaren fekk synt fram Tyskland si flåtemakt.
Då Ålesund brann i 1904 fekk Vilhelm organisert hjelp til gjenoppbygging av byen. Ålesund vart bygd opp i mykje tyskinspirert jugendstil.
I 1913 fekk Vilhelm II reist ein kjempestatue av vikinghelten Fridtjof den frøkne på Vangsnes, og statuen av kong Bele ved gravhaugane i Balestrand. Reisinga av statuane var uttrykk for ei ovundring av vikingtida.
1. august 1888 vart Vilhelm tildelt storkrossen av St. Olavs Orden.
Bakgrunnsstoff
[endre | endre wikiteksten]Nettlenkjer
- NRK Sogn og Fjordane sitt fylkesleksikon om Wilhelm II. Mellom anna kan ein sjå programmet «Tysk keisar i norsk fjord».
- * William of Germany Arkivert 2008-08-21 ved Wayback Machine.; Engelsk bok frå 1913 om Wilhelm II. Nettutgåve ved Prosjekt Gutenberg.
Litteratur
- Henningsen, Bernt: (m.fl.): Tyskland og Skandinavia : 1800-1914 : impulser og brytninger, Berlin 1997. ISBN 91-7100-542-0