Sacramento
Sacramento is siet 1854 de Hööftstadt vun de US-Bundsstaat Kalifornien. De Stadt liggt an de Tofloot vun de American River in de Sacramento River. Dor leven 466.488 Inwahner (Stand: 2010) up en Rebeet vun 257 km ². In de Region mit de glieker Naam leven insgesamt 2.103.956 Minschen.
Historie
[ännern | Bornkood ännern]Af 1839 weer dat Rebeet Deel vun Nee-Helvetien, wat die Swiezer Inwanderer Johann August Sutter mit Verlööv vun de Viezkönig vun Neespanien grünnen drüff. 1848 weer dat aber all weer doon, denn dat Rebeet wurr vun de Goldruusch erfaat un Sacramento entstunn in de Folg as Goldgräbersiedlung. In disse Tiet keemen de Goldsökers mit Scheep över den Sacramento nah hier, üm denn to Foot hör Glück to versöken.
Twee Johr later, 1850, wurr Sacramento all Stadt un nahdem 1856 de eerst Iesenbahn dor fohren dee, wuss Sacramento to en Hannelszentrum un wurr gau as Boomtown on the River bekannt. Dat wiethenn sichtbar State Capitol hebbt se tüschen 1861 un 1869 baut. 1963 keem en Kanal dorto, wat de Schippfohrt lichter maken dee. 1964 wurr de Vöroort North Sacramento mit upnommen. Sacramento is bekannt för de Textil- un Nehrensmiddelindustrie.
