Ardennes
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Ardennes ies 'n departement van Frankriek. 't Haet departementnummer 08. 't Departement Ardennes liek in 't noord-oaste van Frankriek, in de veurmalege regio Champagne-Ardenne en de nuuj regio Grand Est. 't Ies geneump nao 't gebergde de Ardenne. Ardennes ies 't Frans departement wat 't kortste bie zoawaal Belsj wie Nederlands Limbörg liegk.
Ardennes haet 'n oppervlak van 5.229 km² en 285.653 inweunersj (2006). In 't noorde grens 't aan Belsj en wiejer aan de departemente Meuse, Marne, en Aisne. De prefectuur ies Charleville-Mézières, ónderprefecture zint Rethel, Sedan en Vouziers. Ander groater plaatse zint Revin en Givet.
Bezeenswaerdig zint de sjtae Charleville-Mézières (mèt de Place Ducale) en Sedan (mèt zien miedelièws kesjtièl). Daoneve de landsjappe en natuur van de Ardenne en de Argonne Ardennaise. Wiejer zint d'r ouch kleiner bezeenswaerdighede wie bieveurbeeld de barokkèrk van Asfeld, de citadel van Givet, 't Lac de Bairon, 't vestingsjtedsje Rocroi en de abdijkèrk van Mouzon.
't Departement Ardennes ies gecreëerd op 4 mièrt 1790. 't Besjteit oet 'n deil van de ouw provincies Champagne en Argonne en 'n aantal prinsdomme.
In 't departement liegke 463 gemeintes, zuug hieveur de lies van gemeintes in Ardennes.
