Андэгурэдэгу

Андэгурэдэгу хьэсэ

Лъэпкъышхуэ:	КъэкӀыгъэхэр
Къудамэ:	Dicotyledones
ХэкӀ:	Гыныхугъэгъахэр
ХэкӀыгъуэ:	Гыныху лъэпкъыр
Лъэпкъ:	Гыныху лъэпкъыгъуэр
Лъэпкъыгъуэ:	Гыныхухэр
ЛӀэужъыгъуэ:	Андэгурэдэгу

Латин цӀэр

Brassica nigra
Koch

Систематикэ
УикилӀэужьыгъуэм

Сурэтхэр
Уикисурэтылъэм

ITIS 23061

NCBI 3710

Андэгурэдэгу (лат-бз. Brassica nigra) — зы гъэкӀэ нэхъ къэмыкӀ удз лӀэужьыгъуэщ.

Теплъэр

Къудамэ зы бжанэу зызыгуэш и пкъыр см 50-100-кӀэ докӀейри и щхьэкӀэм къапщӀииплӀ зиӀэ гъэгъа гъуэжь цӀыкӀухэр (накъыгъэм-мэкъуауэгъуэм къыщегъэжьауэ бжыхьэ хъухукӀэ) къыпедзэ. КъэкӀыгъэм нэхъ и щхьэмкӀэ къыщыдидз тхьэмпэхэр бгъузэ-кӀыхьщ, и кум тетхэр хуэхъурей щыкӀэщ, ищӀагъымкӀэ къыдидзхэр нэхъ инщ, лэдэх куэду яӀэщ, тхьэмпэхэм псоми кӀы япытщ. Жылэ хъурей мм 1-2 нэхъ зи мыинагъыр гъэмахуэм и кӀэм мэхъу.

КъыздэкӀыр

Зэран хъууэ губгъуэхэм, хадэхэм, гъуогубгъухэм къыщокӀ.

Къэгъэщхьэпэгъуэр

И гъэгъахэм бжыхьэм фо къыпах. ЦӀыхухэм куэд щӀауэ къагъэкӀ, и жылэхэм дагъэ зэрыщӀэтым щхьэкӀэ.

	Мыр тхыгъэ нэмгъэсащ КъэкӀыгъэщӀэныгъэмкӀэ. Проектым удэӀэпыкъуфынущ, бгъэтэрэзу нэхъыбэ иптхэм.

Тхыгъэхэр

Хьэкъун Б. Адыгэ къэкӀыгъэцӀэхэр. ТхылътедзапӀэ «Эльбрус». Налшыч. 1992 гъ.