Եվգենյա Պաստեռնակ
Եվգենյա Պաստեռնակ | |
|---|---|
| Ծնվել է | դեկտեմբերի 16 (28), 1898[1][2] կամ դեկտեմբերի 28, 1898[2] |
| Ծննդավայր | Մոգիլյով, Ռուսական կայսրություն |
| Վախճանվել է | հուլիսի 10, 1965[1][2] (66 տարեկան) |
| Մահվան վայր | Մոսկվա, ԽՍՀՄ |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Վխուտեմաս |
| Մասնագիտություն | նկարչուհի |
| Հայր | Q106362878? |
| Ամուսին | Բորիս Պաստեռնակ |
| Զավակներ | Եվգենի Պաստեռնակ |
Եվգենյա Վլադիմիրովնա Պաստեռնակ (օրիորդական ազգանունը՝ Լուրիե, դեկտեմբերի 16 (28), 1898[1][2] կամ դեկտեմբերի 28, 1898[2], Մոգիլյով, Ռուսական կայսրություն - հուլիսի 10, 1965[1][2], Մոսկվա, ԽՍՀՄ), խորհրդային նկարչուհի, բանաստեղծ Բորիս Պաստեռնակի առաջին կինը, նրա ավագ որդու՝ գրականագետ Եվգենի Պաստեռնակի մայրը։
Կենսագրություն
[խմբագրել | խմբագրել կոդը]Եվգենյա Պաստեռնակը ծնվել է 1898 թվականի դեկտեմբերի 28-ին Մոգիլյովում։ Եղել է գրենական պիտույքների խանութի սեփականատեր Վլադիմիր Ալեքսանդրովիչ (Վենիամին Նեսանելովիչ) Լուրիեի (1865-1943) և Խաի (Ալեքսանդրա Նիկոլաևնա) Լուրիեի (1870-1928) չորս երեխաներից մեկը։ Նա ունեցել է երկու քույր՝ Աննան (ամուսնու ազգանունով՝ Մինց, 1894-1957) և Գիտան (1897-1975), մեկ եղբայր՝ Սեմյոնը (1895-1960)։ Ծննդավայրում ավարտել է մասնավոր գիմնազիա 1916 թվականին, հաջորդ տարի քնություն է հանձնել արքունական գիմնազիայի դասընթացի համար ոսկե մեդալով և իր ազգականուհի Սոֆյա Լուրիեի հետ մեկնել Մոսկվա, որտեղ ընդունվել է Կանանց բարձրագույն կուրսերի մաթեմատիկայի բաժին։ 1918 թվականին հիվանդացել է տուբերկուլոզով և վերադարձել Մոգիլյով, ապա իր զարմուհի Սոնյա Մեյլմանի հետ մեկնել բուժվելու Ղրիմում։ 1919 թվականին նրա ամբողջ ընտանիքը տեղափոխվել է Պետրոգրադ, որտեղ (իր ավագ քրոջ ամուսնու՝ Աբրամ Մինցի օգնությամբ) նա աշխատանքի է ընդունվել որպես ցրիչ Սմոլնիում։
Մոսկվա տեղափոխվելուց հետո ընդունվել է քանդակագործության և ճարտարապետության ուսումնարան՝ Դավիդ Ծտերենբերգի ու Պյոտր Կոնչալովսկու արվեստանոց։ 1922 թվականի հունվարի 24-ին ամուսնացել է Բորիս Պաստեռնակի հետ։ 1931 թվականին տուբերկոլոզի բուժման համար մեկնել է Գերմանիա։ Նույն թվականին նրանք ամուսնալուծվել են։
Հայրենական մեծ պատերազմի տարիներին (1941 թվականի օգոստոսի 6-ից) որդու հետ անցկացրել է Տաշքենդում, ուր տարհանվել էին[3][4][5]։
Եվգենյա Պաստեռնակը մահացել է 1965 թվականի հուլիսի 10-ին Մոսկվայում։
Ընտանիք
[խմբագրել | խմբագրել կոդը]- Եվգենյա Պաստեռնակի ազգականի՝ գրադարանային գործի կազմակերպիչ Ալեքսանդր Ռոգինսկու որդին է եղել նկարիչ Միխայիլ Ռոգինսկին[6][7]։ Եվգենյա Պաստեռնակին ազգական է եղել նաև մարդաբան Յակով Ռոգինսկին։
Մատենագիտություն
[խմբագրել | խմբագրել կոդը]- Լեոնիդ Օսիպովիչ Պաստեռնակ, Եվգենյա Վլադիմիրովնա Պաստեռնակ, Գեղանկարչություն։ Գրաֆիկա, Նկարիչների ընտանիքի հավաքածուից, Գեղանկարչության ցուցահանդեսի կատալոգ, Մոսկվա, ՌՊՀՀ։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 2,5 2,6 Литераторы Санкт-Петербурга. ХХ век (ռուս.) / под ред. О. В. Богданова
- ↑ Переписка Бориса Пастернака: «…Евгения Владимировна с сыном были в эвакуации в Ташкенте…»
- ↑ Пастернаки в Англии: «Женёк с Женей в Ташкенте. Он студент танкового факультета Военной академии». (из письма Б. Пастернака)
- ↑ Владимир Орлов «Литературный дневник»
- ↑ Жанна Васильева «Между живописью и жизнью»
- ↑ В. Б. Куинджи «Середина века»: Сын двоюродной сестры, врача Софьи Самойловны Лурье (1898—1996) — инженер и мемуарист Виктор Борисович Куинджи (род. 1931).
| ||||||||||||
