Miguel Santalices

Miguel Santalices

(2016)
Biografía
Nacemento	17 de marzo de 1955 (69 anos) Bande, España
7º Presidente do Parlamento de Galicia
26 de xaneiro de 2016 – ← Pilar Rojo
Deputado do Parlamento de Galicia
19 de outubro de 1997 –
Datos persoais
Educación	Universidade de Santiago de Compostela - medicina, Cirurxía EADA Business School - Mestrado
Actividade
Ocupación	médico, político
Partido político	Partido Popular
Membro de	Partido Popular de Galicia

Miguel Ángel Santalices Vieira, nado en Bande o 17 de marzo de 1955, é un médico e político galego. Militante do Partido Popular de Galicia, desde 2016 é o Presidente do Parlamento de Galicia.

Traxectoria

Licenciado en Medicina e Cirurxía pola Universidade de Santiago de Compostela, máster en Alta Dirección, Xestión e Administración Sanitaria pola Escola d'Alta Direcció i Administració de Cataluña (EADA), diplomado en Dirección Hospitalaria e en Sanidade e máster en Saúde Pública. Diploma de directivo da Xunta de Galicia.

É funcionario do corpo facultativo superior da Xunta de Galicia, escala de Saúde Pública e Administración Sanitaria. Foi director dos ambulatorios de Vigo, director do Hospital Psiquiátrico de Toén, director do Hospital Xeral de Vigo e director do Hospital de Ourense. Foi tamén profesor colaborador da Escola Universitaria de Enfermería de Ourense.

É membro do Comité Executivo Provincial do Partido Popular de Ourense e secretario executivo de Servizos Sociais; é deputado no Parlamento de Galicia desde a V lexislatura. Foi vicepresidente da Cámara na V e VIII lexislaturas –en substitución de Celso Delgado e José Manuel Baltar Blanco, respectivamente–, portavoz de Sanidade na VI e VII lexislaturas e portavoz suplente na V, ademais de vogal e presidente de diversas comisións; vicepresidente do Parlamento de Galicia e portavoz de Sanidade do Grupo Popular na IX Lexislatura ata a súa elección como presidente do Parlamento de Galicia, o 26 de xaneiro de 2016. Substituíu na Presidencia da Cámara a Pilar Rojo.

Foi reelixido presidente do Parlamento de Galicia na Sesión Constitutiva da X Lexislatura, celebrada o día 21 de outubro de 2016.

Véxase tamén

Bibliografía

• Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. ISBN 84-8064-113-4. 

Outros artigos

• Lista de deputados da V, VI, VII, VIII, IX, X, XI e XII lexislaturas do Parlamento de Galicia

Ligazóns externas

• Ficha no Parlamento de Galicia Arquivado 09 de marzo de 2016 en Wayback Machine.
• Ficha en galegos.info