Bieito Lobeira

Bieito Lobeira
	;
Biografía
Nacemento	1968 (56/57 anos); Marín, España
Deputado do Parlamento de Galicia
	25 de marzo de 1996 –
3º Secretario Xeral de Galiza Nova
	1992 – 1996 ; ← Manuel Antelo Pazos – Martiño Santos Canosa →
Actividade
Ocupación	político
Partido político	Bloque Nacionalista Galego

Bieito Lobeira Domínguez, nado en Seixo (Marín) o 22 de outubro de 1968, é un político galego do BNG.

Carreira política

Comezou a súa vida política na asociación de estudantes ERGA con dezaseis anos. Formou parte de Galiza Nova, as mocidades do BNG desde a súa fundación ata 1998, e foi o seu secretario xeral entre 1992 e 1998.

O 25 de marzo de 1996 accedeu como deputado ao Parlamento de Galicia, en substitución de Guillerme Vázquez.^[1] Continuou como deputado na V, VI, VII e VIII Lexislatura. Membro do Consello de Contas e da comisión lexislativa que analizou a catástrofe do Prestige, foi voceiro da súa formación para asuntos pesqueiros e marítimos, vicevoceiro e presidente da Comisión de Educación e Cultura do Parlamento. Foi Secretario de Organización do BNG na Executiva Nacional que tivo como portavoz nacional ao catedrático Xavier Vence, e dende 2017 é Coordinador de Organización da Executiva encabezada por Ana Pontón.^[2]^[3]