Cassandra Cruz
Cassandra Cruz, echte namme: Vanessa Cabanillas (Weehawken (Nij-Jersey), 27 septimber 1982), is in rêstend Amerikaansk neakenmodel, stripper en pornografysk aktrise fan etnysk Portorikaansk komôf. Neffens har offisjele opjefte is se 1.56 m, mei in gewicht fan 49 kg en kupmaat 34B.
| Cassandra Cruz | ||
 persoan yn de seksyndustry
| ||
| ||
| persoanlike bysûnderheden | ||
| echte namme | Vanessa Cabanillas | |
| nasjonaliteit |  Amerikaansk
| |
| berne | 27 septimber 1982 | |
| berteplak | Weehawken (Nij-Jersey) | |
| etnisiteit |  Portorikaansk
| |
| wurkpaad | ||
| wurksum as | neakenmodel, stripper, pornoaktrise | |
| jierren aktyf | 2006 – 2013 | |
| offisjele webside | ||
| www.cassandracruz.com | ||
Libben en karriêre
bewurkje seksjeCruz waard berne yn it plakje Weehawken, yn 'e steat Nij-Jersey. Se learde foar yllustratrise oan 'e Parsons School of Design, en studearre dêr yn 2005 ôf mei in bachelorstitel. Om't se lykwols min wurk fine koe, sette se útein mei neaken te posearjen, wat fia-fia yn maaie 2006 ta har debút yn in pornografyske film late, dy't opnommen waard yn New York. Koarte tiid letter lies Cruz in advertinsje wêryn't frege waard om pornoaktrises dy't ree wiene om foar in putsje alhiel nei Los Angeles ta te reizgjen. Hja reägearre dêrop en rekke op dy wize belutsen by de Kalifornyske pornoyndustry. Se wie earst fan doel en reizgje op en del, eltse kear dat der wurk foar har wie, mar nei't se in pear kear yn Los Angeles west hie, besleat se der mar hinne te ferhúzjen.
Neffens de Internet Adult Film Database (IAFD) hat Cruz sûnt yn mear as 200 pornofilms spile, û.m. foar sokke foaroansteande labels as New Sensations, Evil Angel, Digital Sin, Elegant Angel, Wicked Pictures, Hustler Video, Adam & Eve, Vivid Entertainment, Jules Jordan Video, Diabolic Video, Digital Playground, Devil's Film, Pure Play Media, Third Degree Films, Red Light District en Extreme Associates. Ek hat Cruz in protte wurke foar pornosites as Reality Kings, Brazzers, PornPros en Kink.com. Yn 2008, en nochris yn 2009, waard se nominearre foar in AVN Award (de Oskar fan 'e pornoyndustry).
Njonken har aktearwurk posearre Cruz foar neakenblêden, en yn 2012 makke se har debút as stripper. Los fan har pornokarriêre is hja ek altiten noch dwaande mei in karriêre as yllústratrise en keunstneresse. Neffens eigen sizzen binne de trije passys yn har libben keunst, seks en hurddraven. Sûnt 30 jannewaris 2007 is Cruz troud mei kollega-pornoakteur en Amerikaansk wrakselder Dick Delaware. Yn 2013 loek se har út 'e pornoyndustry werom.
Prizen en nominaasjes
bewurkje seksje| Jier | Priis | Resultaat | Kategory | Foar har optreden yn |
|---|---|---|---|---|
| 2008 | AVN Award | nominearre | skandalichste sekssêne | Club Satan: The Witches' Sabbath |
| 2009 | AVN Award | nominearre | bêste byrol fan in aktrise | Hearts & Minds 2: Modern Warfare |
Keppelings om utens
bewurkje seksje- (in) Offisjele webside fan Cassandra Cruz
- (in) Biografy en filmografy fan Cassandra Cruz yn 'e Internet Movie Database (IMDb)
- (in) Biografyske en filmografy fan Cassandra Cruz yn 'e Internet Adult Film Database (IAFD)
| Boarnen, noaten en/as referinsjes: | ||
|
