Henri Sentis

Henri Sentis
Persona informo
Naskiĝo	12-an de decembro 1850 (1850-12-12) en Parizo
Morto	15-an de decembro 1933 (1933-12-15) (83-jaraĝa) en Grenoblo
Lingvoj	Esperanto • franca
Ŝtataneco	Francio
Okupo
Okupo	esperantisto

Henri SENTIS (santi), naskiĝis 12 dec. 1850 en Parizo, mortis 15 dec. 1933 en Grenoblo, estis franca d-ro de sciencoj (1897), prof. licea de fiziko.

Esperantisto de 1898 li gvidis kursojn, faris informajn broŝurojn, kreis la E-grupon en Grenoblo kaj kunlaboris en E-aj gazetoj. Li batalis por „racia evoluo de Esperanto“, ĝis sia morto li eldonis revueton „Esperanta Evoluo“, kies celo estis enkonduki kelkajn ŝanĝojn en la lingvon. Li verkis gramatikan studon kaj vortaron franca-esperanta.

Verkoj

• „Urso Arkivigite je 2016-11-11 per la retarkivo Wayback Machine“, novelo, 1906, nova eldono 1928;
• Le Triomphe de l'Esperanto est-il certain ? (1906)
• Rimarko pri la sintaxo [tiel!] di verbo [tiel!] en Esperanto, 1916;
• Vortoj propozataj [tiel!] por Esperanto. Grenoble 1919, 34 p. (22x17 cm): Enhavas proponitajn neologismojn kun tradukoj al la franca, indikas ankaŭ ĉu proponita radiko estas trovebla en la angla, hispana, itala, latina aŭ germana
• „Blua Kardo“, 1923 ktp.; kun reformemaj tendencoj.
• Esperanta progreso, 1925
• Dictionnaire français-esperanto. [Grenoble: H. Sentis,] 1927, iv, 260 p. (26x21 cm)

Recenzoj

Pri Le Triomphe de l'Esperanto est-il certain ?

„ Tiu broŝureto, verkita je letera formo en tre vigla kaj ĉarma stilo, respondas tre sukcese je tiu objekto, kiun oni tre ofte kontraŭdiras al la propagandistoj : ĉu la triumfo de Esperanto estas tute certa kaj ĉu nova elpensota idiomo ne anstataus baldaŭ nian lingvon ? Tre impresiga kaj konvinkiga estas la facila pruvado : tial, tiun broŝuron ni tre varme rekomendas al ĉiuj Esperantistaj fervoruloj. ” — La belga sonorilo - Numero 045, Majo (1906)

Eksteraj ligiloj

• Enciklopedio de Esperanto/S en sia originala formo en la Interreto
• Enciklopedio de Esperanto en elŝutebla versio (PDF).
• Libroj de kaj pri Henri Sentis en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine