Alexander William Thomson
| Alexander William Thomson | |
|---|---|
| Persona informo | |
| Naskiĝo | 15-an de marto 1896 en Hammersmith |
| Morto | 30-an de novembro 1981 (85-jaraĝa) |
| Lingvoj | Esperanto |
| Ŝtataneco | Unuiĝinta Reĝlando (Britio) Unuiĝinta Reĝlando de Granda Britio kaj Irlando (1801–1922) (–1927) 
|
| Okupo | |
| Okupo | esperantisto
|
Alexander William Thomson (toms‘n) (pseŭdonimo Avoto; naskiĝis la 15-an de marto 1896 en Hammersmith apud Londono – mortis en 1982) estis brita esperantisto, honora membro de la UEA kaj taksa komizo en fabrikejo de elektraj kabloj.
Li estis esperantisto de 1911. Thomson estis fondinto de grupo en Bexleyheath (instruis al skoltoj kaj al belgaj rifuĝintoj), 1914, fondinto kaj prezidanto de Skolta Esperantista Ligo en 1918, kaj fondinto de Psiĥa Esperanto-Ligo en 1934. Li predikis ĉirkaŭ 12-foje ĉe Esperanto-diservo en Londono.
Post la Dua Mondmilito li aparte engaĝiĝis pri geografio, antropologio kaj etnografio; en la 1950-aj kaj 1960-aj jaroj li estis unu el la estraranoj de Internacia Geografia Asocio, kolektiĝinta ĉirkaŭ la esperantista ĵurnalisto kaj mondvojaĝanto Tibor Sekelj.
Sub la pseudonimo Avoto Thomson verkis diversajn artikolojn kaj versojn en Esperantaj gazetoj. En Brita Esperantisto li prizorgis rubrikon pri lingvaj kaj gramatikaj temoj.
Verkoj
[redakti | redakti fonton]- 1918: „Rimvortaro Esperantista“, 1918.
- 1959: Memuaro pri geografiaj nomoj.
- 1979: Gutaro (poemaro)
Fontoj
[redakti | redakti fonton]- 1984: William Auld en Esperanta Antologio, 1984.
- 1934: Enciklopedio de Esperanto, 1934, p. 540.
Eksteraj ligiloj
[redakti | redakti fonton]- Biografieto kun foto ĉe "Originalaj aŭtoroj de Esperanto".
