Aktaion

Aktaion, Akteon pe Aktaeon (Ἀκταίων Aktaiôn, e henc'gresianeg, distaget Akteon e gresianeg a-vremañ) a oa un hemolc'her brudet eus Thebai. Mab e oa da Ariste ha da Aotonoe (pe da g-Kadmos hervez Ovidius). Savet e vije bet gant an den-marc'h Kiron, a zeskas dezhañ hemolc'hiñ.

Un deiz ma oa o chaseal er menez Kiteron e tegouezhas gant an doueez Artemis (pe Diana gant ar Romaned) a-greiz ma oa-hi o koronkañ en he noazh. Droug a voe enni kement ha ken bihan ma e voe troet an den e karv ganti ha drailhet ha debret e voe gant e chas . Hervez Diodoros Sikilia hag Euripides n'eo ket abalamour da se e savas droug enni, met abalamour m'en devoa fougeet en he neved e oa gwelloc'h hemolc'her eget an doueez.

Arzourien

Awenet eo bet al livourien gant ar vojenn.