Леанід Сямёнавіч Данілюк

Леанід Сямёнавіч Данілюк
Леанід Сямёнавіч Данілюк
Дата нараджэння	3 мая 1919
Месца нараджэння	Студзёнка, Быхаўскі раён, Магілёўская акруга, БССР, Літоўска-Беларуская Савецкая Сацыялістычная Рэспубліка;
Дата смерці	24 верасня 1986 (67 гадоў)
Месца смерці	Быхаў, Быхаўскі раён, Магілёўская вобласць, БССР, СССР;
Месца пахавання	Быхаў;
Альма-матар	МДУ імя А. А. Куляшова (1939); Тбіліскае вышэйшае артылерыйскае каманднае вучылішча[d] (1941);
Прыналежнасць	СССР
Род войскаў	артылерыя[d]
Званне	падпалкоўнік
Бітвы/войны	Вялікая Айчынная вайна;

Леанід Сямёнавіч Данілюк (1919, вёска Студзёнка, Быхаўскі раён — 24 верасня 1986, Быхаў) — удзельнік Вялікай Айчыннай вайны, Герой Савецкага Саюза.

Біяграфія

Скончыў Магілёўскі педінстытут (1939), Тбіліскае артылерыйскае вучылішча (1941). У Чырвонай Арміі з 1939 г. У час Вялікай Айчыннай вайны на Паўночна-Заходнім, 2-м Украінскім, 1-м Беларускім франтах. Камандзір самаходнага артылерыйскага палка маёр Л. С. Данілюк вызначыўся ў Берлінскай наступальнай аперацыі. 18.04.1945 г. па яго ініцыятыве полк атакаваў ворага каля горада Бернаў. На падбітай самаходнай гармаце Данілюк прарваўся на ўскраіну горада, выклікаў паніку ў радах праціўніка, што садзейнічала паспяховаму наступленню корпуса. Да 1955 г. служыў у Савецкай Арміі, падпалкоўнік. Працаваў у Харкаве, Магілёве. Апошні час жыў у Рагачове. Пахаваны ў Быхаве. Імем Л. С. Данілюка названа школа ў Бернаў (ГДР).

Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш.. — Мн.: БелЭн, 1998. — Т. 6. — С. 41. — 576 с. — 10 000 экз. — ISBN 985-11-0106-0 (т. 6).
Данілюк Леанід Сямёнавіч // Беларусь у Вялікай Айчыннай вайне, 1941—1945: Энцыкл. — Мн.: БелСЭ, 1990. — С. 186.
Данилюк Леонид Семёнович // Герои Советского Союза: Краткий биографический словарь в 2 т. Т. 1. — М.: Воениздат, 1987. — С. 407.