Леанард Пацей

Леанард Пацей (каля 1730 — 14 ліпеня 1774) — дзяржаўны дзеяч Вялікага Княства Літоўскага. Абозны (з 1752) і стражнік вялікі літоўскі (з 1771). Трымаў Рагачоўскае і Алькеніцкае староствы. Кавалер Ордэна Белага Арла (1759).

Леанард Пацей
Герб «Вага»
Вялікі стражнік літоўскі 1771 — 1774
Папярэднік	Людвік Пацей
Пераемнік	Антоні Ануфрый Гелгуд
Нараджэнне	каля 1730
Смерць	14 ліпеня 1774(1774-07-14)
Месца пахавання	Касцёл Святога Духа і кляштар дамініканцаў (Вільнюс)
Род	Пацеі
Бацька	Аляксандр Пацей
Маці	Тэрэза з Войнаў-Ясянецкіх[d]
Жонка	Марыя Аляксандра з Радзівілаў[d]
Дзеці	Аляксандр Міхал Пацей[d]
Узнагароды

Біяграфія

Прадстаўнік шляхецкага роду Пацеяў гербу «Вага», сын Аляксандра, троцкага ваяводы, і Тэрэзы з Войнаў-Ясянецкіх, удавы кашталяна мсціслаўскага Канстанціна Бенедыкта Бжастоўскага.

Абіраўся паслом на соймы 1750, 1752 (абодва разы ад Віцебскага ваяводства), 1762, 1764 (удзельнічаў у абранні каралём Станіслава Аўгуста Панятоўскага).

Пасля першага падзелу Рэчы Паспалітай (1772) дзеля захавання сваіх маёнткаў у Полацкім ваяводстве прысягнуў Кацярыне II (1773)

У шлюбе з Марыяй Аляксандрай, дачкой рэчыцкага старосты Альбрэхта Радзівіла, меў сына Аляксандра Міхала.

Літаратура

• Грыцкевіч А. Пацеі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 421. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія магнацкіх радоў Рэчы Паспалітай Архівавана 30 кастрычніка 2013.