Бронза
Бронза (назва ад Брундызі — гарадка, з якога ў Рым прывозілі медзь) — сплаў медзі з волавам, алюмініем, кремніем, берыліем і іншымі элементамі, за выключэннем цынку і нікелю.
| Бронза | |
|---|---|
 | |
| Шчыльнасць | 8 600 кг/м³ |
| Цвёрдасць па шкале Моаса | 3[1] |
| Метад вырабу | bronze casting[d] |
 Медыяфайлы на Вікісховішчы | |
Выкарыстанне
правіцьБронза выкарыстоўваецца ў сучасным машынабудаванні, ракетнай тэхніцы, авіяцыі, суднабудаванні і іншых галінах прамысловасці. Дзякуючы ўстойлівасці да механічнага сцірання і высокай каразійнай стойкасці бронзавая прадукцыя прымяняецца для вырабу дэталяў машын і прыбораў, якія ўдзельнічаюць у рухомых вузлах ў працэсе трэння. Дэталі з бронзы патрабуюць перыядычнай замены, гэта значыць з’яўляюцца расходнымі. З безалавянных бронзавых сплаваў вырабляюць пракат для складнікаў хімічных прыбораў, рэгулюючай арматуры ацяпляльных сістэм і трубаправодаў іншага прызначэння.
Бронзу выкарыстоўваюць для ліцця скульптур і помнікаў, бо матэрыял даўгавечны, не падвяргаецца атмасферным уплывам і ўстойлівы супраць механічных пашкоджанняў. Вырабы высокамастацкіх формаў у тэатрах, палацах, залах (жырандолі, люстры, таршэры, кандэлябры) таксама вырабляюцца з бронзы.