Diferencia entre revisiones de «Biotecnolochía»

← Ir ta a edición anterior Ir t'a edición siguient →

Contenido eliminado Contenido añadido

En renglón

Versión d'o 13:41 20 avi 2010

A Biotecnolochía ye o conchunto de disziplinas u zenzias que tien por ochetibo o estudio d'os sers bibos u partis d'os sers bibos ta d'otener-ne biens e serbizios. A suya aria d'estudio ye entre a biolochía, a bioquimica e a incheniería quimica e tien amás gran repercusión en a farmazia, medezina, microbiolochía, a zenzia d'os alimentos e l'agricultura, entre d'atros campos. O conoximiento que tienen os biotecnologos, que fa de enlaze entre a biolochía e a incheniería quimica, lis premite optimizar e lebar a gran escala la sintesis de produtos que afeutan toz istos campos zitatos.

Probablement o primero que emplegó iste termin estió Karl Ereky, incheniero ongaro en 1919.

Una sezión d'a biotecnolochía ye l'uso dreito d'organismos ta la produzión de produtos organicos (bels eixemplos son a zerbeza u os produtos lacteos). Autualment as bacterias son emplegatas en a industria menera en a biolicsibazión. A biotecnolochía tamién s'emplega ta o reziclache, tractamiento de residuos, limpieza d'as zonas contaminatas por autibidaz industrials (biorremediazión), e ta produzir armamento biolochico.

Bi ha tamién aplicazions d'a biotecnolochía que no emplegan organismos bibos. Os microchips d'ADN feitos servir en os analisis cheneticos en son un eixemplo. Bi ha muitismas produzions que se fan con nomás a reazión d'as enzimas d'os microorganismos.

A biotecnolochía moderna s'asozia a sobén con l'uso d'os microorganismos cheneticament modificatos como o E. coli u a lebadura Saccharomyces cerevisiae que s'emplega en a produzión de sustanzias como a insulina u os antibioticos. Tamién se puet referir a los animals transchenicos u plantas transchenicas, como lo panizo. Zelulas animals modificatas como as de l'obario d'o hamster chinés (CHO) entre muitismas atras son muit emplegadas por as industrias farmazeuticas. Autualment se ye prebando l'uso d'as plantas como bioreactors baratos.

A biotecnolochía tamién ye a ormino asoziata con a rechira de nuebas terapias e dispositibos de diagnostico.

Campos d'a biotecnolochía

A biotecnolochía tien aplicazions en cuatre arias industrials prencipals: salut, produzión de plantas e agricultura, usos no alimentarios de plantas e atros produtos (por eixemplo: plastico biodegradable, azeite bechetal, biocombustible, etz.), e utilizazions meyoambientals.

Por eixemplo, una aplicazión d'a biotecnolochía ye a utilizazión dreita d'organismos ta la fabricazión de produtos organicos, como a zerbeza u a leit. Unatro eixemplo ye a utilizazión de bacterias en a menería como en o caso d'a biolicsibiazión. A biotecnolochía tamién tien aplicazions en o reziclache, o tractamiento d'os residuos, a limpieza d'a contaminazión orichinata por as autibidaz industrials (biorremediazión), e tamién puet produzir armas biolochicas.

Bi ha una buena ripa de termins d'argot ta os sozcampos d'a biotecnolochía. A más, bi ha dibersos termins puntuals atribuyitos a lo suyo estudio (biotecnolochía animal, biotecnolochía bechetal, biotecnolochía microbiolochica...).

Biotecnolochía roya: biotecnolochía aplicata a los prozesos medicos. Bels eixemplos son o diseño de microorganismos adedicatos a produzir antibioticos e o diseño de curas cheneticas ta malautías a trabies d'a terapia chenica u zelular.

Biotecnolochía blanca, tamién conoxita como biotecnolochía grisa u biotecnolochía industrial ye a biotecnolochía aplicata a los prozesos industrials. Un eixemplo ye o diseño d'un organismo ta produzir un compuesto quimico. Unatro eixemplo ye a utilizazión d'enzimas como catalizadors industrials tanto ta produzir produtos quimicos de balor como ta destruyir produtos periglosos u contaminants. A biotecnolochía blanca tiende a consumir menos en recursos que os prozesos tradizionals quan s'emplega ta produzir biens industrials.

Biotecnolochía berda ye a biotecnolochía aplicata a los prozesos agricolas. Un eixemplo sería la selección e domesticazión de plantas a trabiés d'a micropropagazión. Unatro eixemplo ye o diseño d'un organismo transchenico ta crexer baixo unas condizions meyoambientals espezificas u en presenzia (u ausenzia) de bellas sustanzias quimicas. Ye a faina d'ista biotecnolochía fer más compatible a esplotazión agrícola e o rispeto por o meyo ambient. Autualment, bi ha muito debate arredol d'as plantas transchenicas concretas relazionatas con iste campo.

Bioinformàtica ye un campo interdisziplinario que mira de resolber problemas biolochicos por meyo de tecnicas computazionals fendo posible una rapeda organizazión e analisis d'os datos biolochicos. Iste campo tamién puet rezibir o nombre de biolochía computazional, e que puet estar definita como a conzeptualizazión d'a biolochía en termins de moleclas e l'aplicazión de tecnicas informaticas ta entender e organizar a gran escala la información asoziata con istas moleclas.^[1] A bioinformatica chuga un papel clau en cuantas arias de l'analisis de chenomas como a chenomica funzional, a chenomica estrutural u a proteomica.

O termin biotecnolochía azul ha estato tamién emplegato ta describir as aplicazions marinas e acuaticas d'a biotecnolochía, pero lo suyo uso ye relatibament raro.

A la imbersión e o gasto economico en toz istos tipo d'aplicazions d'a biotecnolochía li s'aplica o termin de bioeconomía.

Historia

Edat de bronze - babilonios e echipzians amilloran as razas de zerials por selección artifizial. Tamién prenzipia a creyar-se zerbeza, bin e pan.
4000 aC - Os chineses prenzipian a produzir produtos pareixitos a lo queso e o yogurt.
1590 - Imbenzión d'o microscopio por Zacarías Janssen.
1665 - Robert Hooke emplega por primera begata la palabra zelula en o suyo libro Micrographia.
1683 - Anton van Leeuwenhoek descubre os microorganismos.
1796 - Edward Jenner creya la primera bacuna.
1856 - Gregor Mendel descubre as lais d'o erenzio.
1861 - Louis Pasteur define o rol d'os microorganismos e establixe a zenzia d'a microbiolochía.
1885 - Louis Pasteur cautiba bacterias con a finalitat de fer-las servir ta bacunas. Tamién refuta la tioría d'a chenerazión espontania e contrimostra la importanzia d'os inoculos en os prozesos biotecnolochicos fermentatibos.
1919 - Karl Ereky, un incheniero ongaro fa servir o termin biotecnolochía
1953 - James D. Watson e Francis Crick describen a estrutura de l'ADN
1965 - O biologo estatounitense Robert W. Holley «leyió» por primera begata la información total d'un chen de lebadura composata por 77 bases, por lo que rezibió lo Premio Nobel.
1970 - O zentifico estatounitense Har Gobind Khorana reconstruye en o laboratorio un chen completo.
1973 - Se desarrolla a tecnolochía de recombinazión de l'ADN por Stanley Cohen, d'a Unibersidat de Stanford, e Herbert Boyer, d'a Unibersidat de California, San Francisco.
1975 - Kohler e Milstein desarrollan o metodo de produzión d'anticuerpos monoclonals
1976 - Har Gobind Khorana sintetiza una molecla de azeto nucleico composata por 206 bases.
1976 - Robert Swanson e Herbert Boyer creyan Genentech, a primera compañía de biotecnolochía.
1980 - Produzión d'insulina por meyo d'a E coli
1992 - A Food Drug Administration (FDA), una instituzión publica nordamericana, aprueba os alimentos transchenicos produzitos por Calgene. Ye a primera begata que s'autorizan alimentos transchenicos en os Estatos Unitos
2000 - Primer esbozo d'o chenoma umán
2004 - A ONU e o Gubierno de Chile organizan o Primer Forum Global de Biotecnolochía, e a Ziudat de Concepción, Chile. (2 a lo 5 de marzo).

Lo que güé se conoxe como incheniería chenetica u ADN recombinant, estió parti d'o descubrimiento feito por Hamilton Smith e Daniel Nathans en l'año 1970 d'a enzima (restrictasa) capaz de reconoxer e tallar l'ADN en secuenzias espezificas, descubrimiento por lo que lis conzedioron o Premio Nobel de fisiolochía e medezina, compartito con Werner Arber, en 1978. Iste descubrimiento dió orichen a lo desarrollo d'o que güé se conoxe como incheniería chenetica u Biotecnolochía, que premite clonar cualsiquier chen en un birus, microorganismo, zelula d'animal u de plantas.

Firmas biotecnolochicas

As 10 compañías biotecnolochicas con más capital seguntes datos de 2003:

Referencias

↑ Gerstein, M. "Bioinformatics Introduction." Yale University. Rebisato lo 14 d'abiento, de 2008.

Se veiga tamién

Enrastres externos

(ca)(es)(en) Associació de Biotecnòlegs de Catalunya
(en) National Center for biotechnology Information
(en) Biotechnology Industry Organization
(es)(en) Centro Nacional de Biotecnología

[gerstein-1] Gerstein, M. "Bioinformatics Introduction." Yale University. Rebisato lo 14 d'abiento, de 2008.

[1]

@@ Linia 7: / Linia 7: @@
 Una sezión d'a biotecnolochía ye l'uso dreito d'[[organismos]] ta la produzión de produtos organicos (bels eixemplos son a [[zerbeza]] u os [[produtos lacteos]]). Autualment as [[bacterias]] son emplegatas en a industria menera en a [[biolicsibazión]]. A biotecnolochía tamién s'emplega ta o reziclache, tractamiento de residuos, limpieza d'as zonas contaminatas por autibidaz industrials ([[biorremediazión]]), e ta produzir [[armamento biolochico]].
-Bi ha tamién aplicazions d'a biotecnolochía que no emplegan [[organismos]] bibos. Os [[microchip d'ADN|microchips d'ADN]] feitos serbir en os [[analisis chenetico]]s en son un eixemplo. Bi ha muitismas produzions que se fan con nomás a reazión d'as [[enzima]]s d'os [[microorganismos]].
+Bi ha tamién aplicazions d'a biotecnolochía que no emplegan [[organismos]] bibos. Os [[microchip d'ADN|microchips d'ADN]] feitos servir en os [[analisis chenetico]]s en son un eixemplo. Bi ha muitismas produzions que se fan con nomás a reazión d'as [[enzima]]s d'os [[microorganismos]].
 A biotecnolochía moderna s'asozia a sobén con l'uso d'os [[microorganismos]] cheneticament modificatos como o ''[[Escherichia coli|E. coli]]'' u a [[lebadura]] ''[[Saccharomyces cerevisiae]]'' que s'emplega en a produzión de sustanzias como a [[insulina]] u os [[antibioticos]]. Tamién se puet referir a los [[animal transchenico|animals transchenicos]] u [[planta transchenica|plantas transchenicas]], como lo [[panizo]]. Zelulas animals modificatas como as de l'obario d'o [[hamster chinés]] ([[CHO]]) entre muitismas atras son muit emplegadas por as industrias [[farmazia|farmazeuticas]]. Autualment se ye prebando l'uso d'as plantas como [[bioreactor]]s baratos.
@@ Linia 41: / Linia 41: @@
 * [[1856]] - [[Gregor Mendel]] descubre as [[lais d'o erenzio]].
 * [[1861]] - [[Louis Pasteur]] define o rol d'os [[microorganismo]]s e establixe a zenzia d'a [[microbiolochía]].
-* [[1885]] - [[Louis Pasteur]] cautiba [[bacteria]]s con a finalitat de fer-las serbir ta bacunas. Tamién refuta la tioría d'a [[abiochenesis|chenerazión espontania]] e contrimostra la importanzia d'os [[inoculo]]s en os prozesos biotecnolochicos [[fermentazión|fermentatibos]].
+* [[1885]] - [[Louis Pasteur]] cautiba [[bacteria]]s con a finalitat de fer-las servir ta bacunas. Tamién refuta la tioría d'a [[abiochenesis|chenerazión espontania]] e contrimostra la importanzia d'os [[inoculo]]s en os prozesos biotecnolochicos [[fermentazión|fermentatibos]].
-* [[1919]] - [[Karl Ereky]], un incheniero [[Hongría|ongaro]] fa serbir o termin ''biotecnolochía''
+* [[1919]] - [[Karl Ereky]], un incheniero [[Hongría|ongaro]] fa servir o termin ''biotecnolochía''
 * [[1953]] - [[James D. Watson]] e [[Francis Crick]] describen a estrutura de l'[[ADN]]
 * [[1965]] - O [[biologo]] [[Estatos Unitos|estatounitense]] [[Robert W. Holley]] «leyió» por primera begata la información total d'un [[chen]] de [[lebadura]] composata por 77 bases, por lo que rezibió lo [[Premio Nobel]].