Ketoi
| Ketoi | |
|---|---|
| Eiland van die Koerile | |
 'n Nasa-foto van Ketoi.
 | |
| Ligging | See van Ochotsk |
| Plaaslike naam | Кетой 計吐夷島 |
| Argipel | Koerile |
| Oppervlakte | 71,25 km2 |
| Lengte | 10 km |
| Breedte | 9 km |
| Hoogste punt | 1 172 m |
| Land |  Rusland
|
| Deelgebied | Sachalin-oblast |
| Bevolking | 0 |
Ketoi (Russies: Кетой; Japannees: 計吐夷島, Ketoi-tō) is 'n onbewoonde vulkaniese eiland naby die middel van die Koerile-argipel in die See van Ochotsk, noordwestelike Stille Oseaan. Dit val in die Sachalin-oblast van Rusland. Die naam kom van die inheemse taal Ainoe en beteken "skelet" of "sleg".
Beskrywing
[wysig | wysig bron]Die vorm van die eiland is byna rond: Dit is sowat 10 km lank en 9 km breed, met 'n oppervlakte van 71,25 km2.[1] Die kuslyn is 38,3 km lank.
Ondanks die relatief klein oppervlakte, is die landskap taamlik uiteenlopend danksy die komplekse geomorfologie, wat stratovulkaniese keëls, kalderas, lawastrome, vulkaniese plato's, verskeie valleie, hoë en styl kuskranse, seeterrasse en rotsagtige strande insluit. Daar is talle riviere en strome; die meeste vloei na die suide en ooste.
Daar is twee hoofpieke: die berg Ketoi (1 172 m) oos van die 1,5 km breë varswaterkalderameer, wat 110 m diep en die bron van die Stotsjni-inham is wat in die Stille Oseaan invloei. Die tweede piek is Pallas (993 m) in die middel van die eiland, wat steeds 'n aktiewe vulkaan is. Die laaste uitbarsting was in 1960, en moontlik in 2013 en 2018.[2] Pallas het ook 'n kalderameer, die Glazok, wat 40 m diep is.
Verwysings
[wysig | wysig bron]- ↑ "International Kuril Island Project（IKIP）". University of Washington Fish Collection or the respective authors. Geargiveer vanaf die oorspronklike op 23 Julie 2013. Besoek op 3 Desember 2009.
- ↑ "Ketoi: Eruptive History". Global Volcanism Program. Smithsonian Institution. Besoek op 2021-06-25.
Skakels
[wysig | wysig bron]
Wikimedia Commons het meer media in die kategorie Ketoi.
Hierdie artikel is in sy geheel of gedeeltelik uit die Engelse Wikipedia vertaal.
