Gestreepte visvanger

Die Gestreepte visvanger is 'n algemene standvoël in doringbosveld, savanna en die some van rivierwoud.

Gestreepte visvanger
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Coraciiformes
Familie:	Halcyonidae
Genus:	Halcyon
Spesie:	H. chelicuti
Binomiale naam
Halcyon chelicuti

Verspreiding

Die gestreepte visvanger is wyd verspreid oor Afrika, suid van 15° N, behalwe in Oos-Somalië, die area om die bek van die Kongorivier en die suidwestelike dele van die kontinent.

Habitat

Die gestreepte visvanger kom voor in areas met oop bosgebiede en grasvelde met bome of lang pale: die voël gebruik dit as 'n basis van waar daar gejag word. neste word in bome gebou.

Identifisering

Die gestreepte visvanger is ietwat valer as die ander visvangers met 'n bruin-grys bolyf. In vlug is die voël se helderblou agterkant en lae rug egter maklik sigbaar.

Dieet

Gestreepte visvangers vreet hoofsaaklik insekagtige spesies, alhoewel dit ook soms klein gewerweldes (bv. akkedise) vang.

Geluid

Die gestreepte visvanger is 'n baie luidrugtige voël, veral tydens sonsondergang.

Ander name

• Engelse naam: Striped Kingfisher
• Wetenskaplike naam: Halcyon chelicuti

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• IUCN 2006. 2006 IUCN Red List of Threatened Species.^{[dooie skakel]} <www.iucnredlist.org>. Laaste besoek op 10 Julie 2007.
• Kenya Birds: Striped Kingfisher, Halcyon chelicuti. <http://www.kenyabirds.org.uk/striped.htm Geargiveer 8 Junie 2007 op Wayback Machine>. Laaste besoek op 10 Julie 2007.