梅菜肉餅冬瓜環 (食譜)

梅菜肉餅冬瓜環 (食譜)

星期日老爸嚟食飯； 煮咗幾味小菜。  

其中一味新菜式【梅菜肉餅冬瓜環】超得老爸歡心。  濃味梅菜肉餅配清淡軟滑冬瓜肉； 呢個配搭真係好得呀， 堪稱另類老少平安食譜。 

冬瓜環為尋常不過嘅梅菜肉餅賣相， 宴高貴咗（哈哈）； ，宴客都上得大枱架！

食譜:

冬瓜一片（2吋厚）

甜梅菜100克

半肥瘦豬肉300克（絞碎）

冬瓜調味： 幼鹽1/3茶匙

豬肉醃料： 生抽1湯匙 / 蠔油1湯匙 / 糖 1/2湯匙 / 

                      生粉 1茶匙/水1湯匙 / 油2茶匙

汁料調味： 生抽適量

1.  梅菜用清水浸半小時； 再徹底洗淨內藏的沙粒及污物

2.   梅菜搾乾水份； 切粒再用『白鑊』烘乾水份, 待涼備用

3.   豬肉加醃料內的生抽、蠔油、糖撈勻， 再下生粉攪拌後下加進梅菜粒； 最後加油撈勻備用

4.   冬瓜去皮， 用模或小刀改成圈狀（內圈可大一點）

5.   可按喜好再上面切紋裝飾

6.    在冬瓜面均勻灑些幼鹽(底味)； 之後蒸8分鐘後取出都去倒汗水

7.    把肉餅釀進瓜環內； 用筷子再用餅中刺些孔再蒸20分鐘至肉餅熟透

8.   取出； 灑上蔥花並在碟上汁液加適量生抽 （加色／加味）便可趁熱享用

冬菇滑雞蒸飯（食譜）

                                        

冬菇滑雞蒸飯（食譜）
只係7月頭天氣已經熱到想死， 唔想對住火爐太耐，加上放工時間唔多， 預早一晚浸定冬菇同醃好雞， 用電蒸爐做咗呢個蒸雞飯， 加個焯菜心， 明火只用於焯菜的； 唔駛對火爐太耐， 兩口子簡簡單單又一餐。

廚房內電器中， 我最愛就係部純蒸爐； 佢可以一次過幾樣餸／飯；雖然當時都算貴嘅； 不過我幾乎餐餐都用； 用咗7，8年都回哂本喇！

食譜: 2人份量

材料：
雞半隻
浸軟冬菇4粒
杞子（稍浸）隨意

醃料:
薑數片
生抽1/2湯匙
蠔油1/2湯匙
糖1茶匙
花雕酒1茶匙

老抽小許（調色）
薑隨意
生粉1茶匙
油1茶匙


1/ 雞斬件； 洗淨後徹底瀝乾水份
2/下醃料撈勻（油除外）後才下油撈勻最少醃15分鐘， 最後加入冬菇片撈勻備用
3/ 把米洗淨瀝乾放蒸碗中（淺碗較好）； 下水(平常比例)
4/ 大火蒸10分鐘（水滾起計）或至水份剛被米吸乾
5/ 把雞件、冬菇片平舖在飯面及灑上杞子， 蓋上蓋繼續蒸15分鐘雞件熟透便完成
6/ 灑上蔥花； 淋些煲仔飯豉油就食得喇

Tips:
**火力及碗具材質、深淺都會影響蒸飯時間； 請自行目測調節

梅菜豬肉蒸滑豆腐 (食譜)

梅菜豬肉蒸滑豆腐

梅菜豬肉蒸滑豆腐 (食譜)

講起梅菜豬肉， 一般唔係蒸就係炆； 今次我將佢twist一吓先炒再配滑豆腐蒸； 原來可以咁好美㗎！  老公同奧雲仔超愛； 話送飯一流喎， 下次煮佢要煮重佢哋米喇。 

食譜: 

材料 ：甜梅菜1棵   /  半肥瘦豬肉300克(攪碎)

           盒裝滑豆腐2盒

1)      梅菜沖淨再浸兩小時，搾乾水後切粒後白鑊烘炒至乾身備用

2)      豬肉下糖、生抽、老抽撈勻； 再按次序加生粉及油撈勻備用

3)       燒熱小許油； 下豬肉爆炒至半熟； 梅菜粒回鑊

4)      下調味 (老抽，生抽和糖) 及小3湯匙水煮炒至豬肉熟透;  試味後下小許生粉水，兜炒至 有   黏性便可

 **其實到呢步已經可以係一味餸㗎喇。

 

          

5）   豆腐脫盒切片放碟上(倒去流出的水份）;  將梅菜豬肉舖在豆腐上，大火蒸5分鐘，倒去部份倒汗水

6)  再淋上甜豉油（用糖及生抽調成）便完成

＊贊上熟油更香； 但我想清淡點就免了！

日式焦糖雞蛋布丁

呢個甜品的的式式， QQ滑滑很可愛； 仲香滑美味， 大人小朋友都無可抗佢！  留意食譜中的tips就一定會成公喇！

Tips: 

1/ 呢個甜品最難部份係煮焦糖,吾夠火侯會吾夠香, 過火就會苦.   一轉琥珀色就要立即離火加水！ 

2/ 蒸時要用慢火； 否則蛋邊會出現很多大泡泡； 影響口感同買相。 

食譜及用具:

9杯約分量(約2.5吋高圓鐵模)

焦糖:  
砂糖8湯匙 (大量匙)
水2湯匙 （與糖同時煮）

水2湯匙（後下; 焦糖轉琥珀色時下）

-砂糖與2湯匙水放長柄铁煲內, 中火加熱, 其間不用攪動, 煮至起泡及開始轉黄色， 拿起煲柄搖動, 煮至琥珀色, 離火, 加入2湯匙熱水, 繼續搖動至均勻混合成焦糖, 便可倒入模內.

雞蛋布丁: 
大雞蛋4隻
奶500ml
砂糖5.5湯匙

溫尼拿香油1茶匙

1)雞蛋打散(輕力不要打起泡)

2)奶及糖放小煲內，最慢火加熱至糖溶化便離火，(不用煮滾)，如太熱則可座冷水數分鐘降溫

3)將暖奶分三次倒進蛋液及溫尼拿香油, 其間一面用用叉攪勻

4)把蛋漿過篩入模

5) 每個模匀蓋上錫紙，再用慢火隔水蒸約13分鐘或至蛋熟透（水滾起計）

6)  撕去錫紙， 待冷卻後放入雪櫃雪過夜，用小刀沿模邊小心脱模，再倒扣便可食用。

***存放：   用廚紙蓋面，再用保鮮紙蓋好放再雪櫃內， 到食用前才用小刀脫模便可。

自家製粢飯

天氣凍凍地； 食粢飯最啱不過喇！上次整糯米飯剩返少少糯米； 剛可以做兩個粢飯喇。  簡單暖胃又好味！ 

• 1準備： 糯米浸6小時 ／ 榨菜絲沖水 (沖去醃汁)，抹乾切粒備用 ／ 油條切成段
• 
  
  
  
  

  2放有孔容器中隔水蒸約40分鐘至熟透（中途用飯勺翻動糯米數次）
• 
  
  
  
  

  3把糯米飯打鬆
• 

  4鋪一片保鮮紙在壽司蓆上
• 

  5放上熱糯米飯，搾菜粒, 油條和肉鬆 (搾菜粒和肉鬆份量隨意)
• 

  6用壽司蓆輔助把飯捲成條狀
• 

  
  
  

  7把兩端保鮮紙扭實便完成了。

海南雞家宴（食譜準備中）

海南雞家宴（食譜準備中）

疫情之下和老父母 大多都是探望短聚； 很少在家聚餐。 星期日Owen話掛住公公婆婆；就即興約兩老過嚟食晚飯。  兩老見到孫超好胃口； 5人極速KO檯上5餸1湯。

老爸大讚海南雞又香有又雞味； 問我喺咪買㗎?   我答： 喺Owenmama Kitchen買咖！🤣🤣

食飽飽Owen送兩老回家;   以前是大手拖小手； 現在是大手拖老手了🤝🤝！兩婆孫自小就是對方嘅【蜜糖酲】； 看著看著，心裡很暖❤❤！

原本3人晚餐預整海南雞+雞油飯+泰式炸墨魚餅； 為遷就兩老； 不做雞油飯； 炸墨魚餅改為香煎減少油份。 多再買了兩老愛吃的蝦同盲鰽； 做了5道料理的5人晚餐。  兩老同Owen都好好胃口； 火速KO全部食物！

是日菜單： 

🐥海南雞

🐟豉汁蒸盲鰽

🦑香煎墨魚餅

🦐基圍蝦凍食

🥬清炒菜心

冬🍵瓜粒湯

 

溏心蛋鹹雞髀菜飯定食（食譜）

溏心蛋鹹雞髀菜飯

前兩日醃定三隻急凍雞髀； 放工後安排好時間； 做個中式菜飯定食， 好味又經濟！ 仲一D都唔難添！自家製菜飯足料超多菜； 雞髀原隻上； 揸住大大啖咬超級好feel！

溏心蛋（食譜）

食材 蛋4隻（紅黃賣相會靚D）

• 

  1用大頭針在蛋較圓的一端刺一小孔(熟後會較易脫殼)
• 

  2用小煲將水煮至大滾，水要高過全部蛋半吋, 將室溫蛋輕力投進大滾水中 
• 

  3轉中火煮6分鐘，最好用計時器, 期間不要蓋上煲蓋 (後頭一分鐘，用筷子輕輕攪動雞蛋，可令蛋黃固定在蛋的中央） 
• 

  4撈起雞蛋，放在冰水中
• 

  5待蛋降溫， 將蛋殼敲裂， 再浸在水中，讓水滲進蛋內， 會較容易剝殼.
• 

  6小心剝去蛋殼, 糖心蛋完成了。 
•  **不同爐具火力不一，最好先做一次，查看結果，作下次準則

***********************************************************

鹹雞髀菜飯（食譜）

食材  

• • 鹹雞髀:
  • 雞髀2隻
  • 四季鹽焗雞粉1/2包
  • 幼鹽1/2茶匙
  • 
    
  • 
    
  • 菜飯: 
  • 
    
  • 花雕1湯匙 （後下）
  • 小棠菜10両，切粒　
  • 薑蓉1茶匙＋花雕3/4湯匙混合成薑汁酒
  • 糖3/4茶匙
  • 鹽1/2茶匙
  • 珍珠米2杯 (亦可用其他米類）
  • 雞湯1杯
  • 清水1杯

• 

  1雞髀洗淨抹乾， 用刀再雞髀底部骨邊界開
• 

  2將鹽焗雞粉及鹽均勻塗抹在雞髀上醃最少4小時 (早一晚醃效果更佳)
• 

  3蒸前5分鐘將花雕倒進撈勻
• 

  4大火蒸25分鐘將雞髀蒸至熟透 待雞略為攤涼便可斬件上碟。 (時間視乎雞髀大小自行調節)
• 

  5米洗淨加水和雞湯（全用清水或全用雞湯亦可）, 用電飯煲烹調; --------- 下小許油下菜粒兜炒一會，下薑汁酒，糖和鹽調味，炒至8成熟便要盛起
• 

  6隔去過多的水份備用
• 

  7當飯煮至最後2分鐘，便可加入菜粒，快手拌勻，蓋起繼續煮至全熟。
• 

  8**菜不要炒至熟透， 約8成熟便要離火， 否則加入飯內再焗便會過熟更會變黃。
•